1 Bibɔrb Aabɔr 26:29 - Uwumbɔr aagbaŋ

²⁹ Isar aayaabitiib ponn ni, Kenania ni ujapɔtiib le nan ye bi lik ŋitun mɔmɔk pu na; bima le nan ŋmee ŋitun ni tiwan ni mɔmɔk ŋani na aabɔr bilni, le ki toor Israel aanib aakaasisik ni tibɔr.

1 Bibɔrb Aabɔr 26:29 ပူးပေါင်းရင်းမြစ်များ

1 Bibɔrb Aabɔr 23:12

Kohaf nan ma mbijabim munaa la. Baayimbil sɔ: Amram, ni Isar, ni Hebronn, ni Usiel.

1 Bibɔrb Aabɔr 23:4

Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

1 Bibɔrb Aabɔr 26:23

Amram, ni Isar, ni Hebronn, ni Usiel aayaabitiib mu nan kpa baatun.

1 Bibɔrb Aabɔr 26:28

Selomif ni waadichal le nan ye binib bi lik tiwan ni mɔmɔk bi di tii ke bi li joo tun Uwumbɔr Aadichal ponn ni aatuln na, ki di kpee ipiin i Uwumbɔr aabɔnabr Samuel, ni Ubɔr Sɔɔl, ni Ner aajapɔɔn Abner, ni Seruya aajapɔɔn Joab nan joo nan tii na pu.

2 Bibɔrb Aabɔr 34:13

Liifai yaab biken le lik binib bi joo ni tidimaawan na, ki ki lik binib bi tun ŋitun ŋiken aabɔŋ na pu, le biken mu ŋmee ŋitun ni tibɔr aabɔŋ bilni, bee ki tun bikikiib aatuln.

Nehemia 11:16

Sabetai ni Josabad nan ye Liifai yaab aanikpaam bi nan lik binib bi tun lituln li bi lipaal Uwumbɔr Aadichal chee na la.

Nkahm 3:27

Kohaf aataŋaal ni aanib le nan ye Amram, ni Isar, ni Hebronn, ni Usiel aamaal.

Ikaal 17:8

“Nibaakan, tibɔr tibaa ga li pɔɔ, le bibɔjirb bi bi itingbaan ni na aan ŋmaa toor ti. Ni yaa ye nkun, bee kijaak, bee ubaa yaa tii uken titotonn, bee ubaa yaa gaa uken aawangol kan, ni di kina aabɔr buen nin chee Nidindaan Uwumbɔr nyan aan ni mɔmɔk dooni u na,

Ikaal 17:9

ki di tibɔr ngbaan ŋa bitotoorb bi ye Liifai yaab na, ni ubɔjir u bi lituln ni n‑yoonn ngbaan na aaŋaal ni. Bima le ga lik tibɔr ngbaan ni.