1 Bibɔrb Aabɔr 25:7 - Uwumbɔr aagbaŋ

⁷ Bijab moninko ni binaa bee mɔmɔk nan ye binib bi nyi baatuln mbamɔn na la; le biŋeen aatɔtiib, Liifai yaab biken mu nan ye binib bi bae liwangbaal ni lilahngaal mbamɔm na. Bi nan ti kpaan bijab ikui ilee ni imonko inaa, ni biniin la.

1 Bibɔrb Aabɔr 25:7 ပူးပေါင်းရင်းမြစ်များ

1 Bibɔrb Aabɔr 16:42

Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

1 Bibɔrb Aabɔr 23:5

le ŋichur ŋinaa mu ye bikikiib, ŋichur ŋinaa ŋi gur na le nan ye bi gaa ilahn ki gbaa tiwan ki pak Uwumbɔr na. Bi nan joo tiwangbaakaan ni ubɔr di tii bi na le tun kina aatuln.

2 Bibɔrb Aabɔr 34:12

Bijab bi nan tun lituln ngbaan na nan ye binib la. Liifai yaab binaa bimina le nan lik baah tun pu na. Bima le nan ye Jahaf, ni Obadia, bi nan ye Merari aataŋaal ni aanib na, ni Sekaria ni Mesulam bi mu nan ye Kohaf aataŋaal ni aanib na. Liifai yaab nan ki ye binib bi nyi lilahngaal na la.