1 Bibɔrb Aabɔr 25:6 - Uwumbɔr aagbaŋ

⁶ Bite le nan lolni mbijabim ngbaan pu nsan le bi mɔmɔk gbaa tibar ki yik ichayakrtuun ki dii Uwumbɔr Aadichal ponn ni aadoon. Ubɔr le nan tii Asaf, ni Jedutunn, ni Hemann baatun.

1 Bibɔrb Aabɔr 25:6 ပူးပေါင်းရင်းမြစ်များ

2 Samuel 6:5

David ni Israel yaab mɔmɔk nan gaa ilahn, le ki waa liwaal mpɔɔn pu ki pak Uwumbɔr. Bi nan gbaa tibar, ni ŋigangan, ki yak ichayakrtuun.

1 Bibɔrb 10:12

Solomonn nan di idɔ ngbaan di ŋa Uwumbɔr Aadichal, ni libɔrdichal aajaatɔlk tiib, ni tibar tii biwangbaab. Idɔ ngbaan aaboln aa nan kee dan Israel yaab aatiŋ ni; le yaaboln aa ki bi linimbil kan i.

1 Bibɔrb Aabɔr 15:16

David nan tuk Liifai yaab aasalolm ke bi yakr Liifai yaab biken ki cha bi li gaa ilahn i mɔ na, ki gbaa tibar, ki yak ichayakrtuun.

1 Bibɔrb Aabɔr 15:22

Kenania aah nan nyi liwangbaal ni lilahngaal aabɔr mbamɔm na, uma le bi nan di ŋa Liifai aawangbaab ni bilahngaab aaninkpel.

1 Bibɔrb Aabɔr 23:5

le ŋichur ŋinaa mu ye bikikiib, ŋichur ŋinaa ŋi gur na le nan ye bi gaa ilahn ki gbaa tiwan ki pak Uwumbɔr na. Bi nan joo tiwangbaakaan ni ubɔr di tii bi na le tun kina aatuln.

2 Bibɔrb Aabɔr 20:28

Baah nan ti fuu kitiŋ ngbaan ponn ni na, le bi di tibar ni kakaan tiib aalahn ti fuu Uwumbɔr Aadichal taab.

2 Bibɔrb Aabɔr 23:13

Nima chee le u nan ti kan ubɔrpɔɔn ngbaan si Uwumbɔr Aadichal aabisamɔb, jaatɔlk u bi ŋa bibɔrb pu na chee. Butɔb aajab aaninkpiib ni binib bi pii kakaan tiib na le nan si gob u. Binib ngbaan mɔmɔk nan kpa mpopiin aafuuk ki pii kakaan tiib, le Uwumbɔr Aadichal ni aawangbaab, ni bilahngaab joo baawangbaakaan, ki cha binib ngbaan gaa ilahn. Atalia nan daa kar kar waawanpeenkaan mpombiin pu, le ki teen ke, “Linibiil, linibiil.”

2 Bibɔrb Aabɔr 29:25

Ubɔr ngbaan nan dii isan i Uwumbɔr nan di tii waabɔnabtiib Gad ni Natann ke bi di tii Ubɔr David na. Gad le nan ye unii u joo Uwumbɔr aabɔr nabr tii ubɔr ngbaan na. Ubɔr Hesekia nan ban Liifai yaab siin Uwumbɔr Aadichal ni, le bi joo tibar ni ichayakrtuun,

Nehemia 11:17

Maika aajapɔɔn Matania, u aayaaja nan ye Sabdi, u ye Asaf aamaal ponn ni na. Uma le nan ye bilahngaab ni biwangbaab bi gaa ilahn ki dooni Uwumbɔr na aaninkpel. Bakbukia le nan ye u paa Matania pu na. Samua aajapɔɔn Abda, u aayaaja nan ye Galal u nyan ni Jedutunn aamaal ponn ni na.

Nehemia 12:24

Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Nehemia 12:46

Ki nyan Ubɔrkpaan David ni ulahngaar Asaf aayoonn mu jer na, bilahngaab ni biwangbaab ngbaan le lolni nsan ki pak ki joo idoon tii Uwumbɔr.

Ilahn 68:25

Bilahngaab le loln nsan, le biwangbaab paa puwɔb, le bisapɔm bi gbaa ŋidabun na bi kaasisik ni.

Efesusi 5:19

ki li gaa Uwumbɔr aalahn ni ilahn i bi waagbaŋ ni na tɔb chee man, ki li yikr tiwanyikrkaan, ki gaa ilahn tii Tidindaan, ki pak u nisui ni.

Kolosiya 3:16

Cha Kristo aabɔr li bi nisui ni sakpen, ki tii nimi nlan. Ni li tuk tɔb waabɔr, ki li sur tɔb, ki li gaa ilahn i bi Uwumbɔr Aagbaŋ ni na, ni waanib aalahn, ni ilahn i Waafuur Nyaan mɔk nimi na. Ni li gaa ilahn ngbaan, ki li dooni Uwumbɔr nisui ni.