1 Bibɔrb Aabɔr 25:3 - Uwumbɔr aagbaŋ

³ Jedutunn aajapɔtiib biloob bimina; Gedalia, ni Seri, ni Jesaya, ni Simei, ni Hasabia, ni Matitia. Bite le nan lolni bi pu nsan le bi mooni Uwumbɔr aabɔr ki gbaa tibar, ki gaa ilahn, ki pak ki dooni Uwumbɔr.

1 Bibɔrb Aabɔr 25:3 ပူးပေါင်းရင်းမြစ်များ

1 Bibɔrb Aabɔr 25:2

Asaf aajapɔtiib binaa bimina; Sakur, ni Josef, ni Netania, ni Asarela. Bite Asaf le nan lolni bi pu nsan ki mooni Uwumbɔr aabɔr n‑yoonn mu ubɔr ti siin na.

1 Bibɔrb Aabɔr 25:4

Hemann aajapɔtiib kipiik ni binaa bimina; Bukia, ni Matania, ni Usiel, ni Sebuel, ni Jerimof, ni Hanania, ni Hanani, ni Eliata, ni Gidalti, ni Romamti‑Eser, ni Josbekasa, ni Maloti, ni Hotir, ni Mahasiof.

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.