1 Bibɔrb Aabɔr 25:1 - Uwumbɔr aagbaŋ

¹ Ubɔr David ni Liifai yaab aasalolm le nan lee Liifai aataŋaal imina ke i li lolni nsan Uwumbɔr aadoon ni; bima le nan ye Asaf, ni Hemann, ni Jedutunn. Baatuln le nan ye ke bi moon Uwumbɔr aabɔr, ki gbaa tibar ki yakr ichayakrtuun. Binib bi bi nan lee ke bi li lolni nsan idoon ni na, ni baatuln aah ye pu na sɔ:

1 Bibɔrb Aabɔr 25:1 ပူးပေါင်းရင်းမြစ်များ

1 Bibɔrb 10:12

Solomonn nan di idɔ ngbaan di ŋa Uwumbɔr Aadichal, ni libɔrdichal aajaatɔlk tiib, ni tibar tii biwangbaab. Idɔ ngbaan aaboln aa nan kee dan Israel yaab aatiŋ ni; le yaaboln aa ki bi linimbil kan i.

2 Bibɔrb 3:15

Tɔ, ban ubeegbaar ubaa tii mi.” Ubeegbaar ngbaan aah bi gbaa waabeek na, le Uwumbɔr aapɔɔn sunn ni Elaisa pu,

1 Bibɔrb Aabɔr 13:8

le David ni binib bi mɔmɔk gur na nan gaa ilahn ki waa liwaal mpɔɔn pu ki nyuŋni Uwumbɔr. Bi nan gaa ilahn ki gbaa tibar, ni ŋigangan, ki yak ichayakrtuun, ki pii ikpiin.

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 23:2

Ubɔr David nan kuun Israel aayidam mɔmɔk, ni bitotoorb, ni Liifai yaab mɔmɔk.

1 Bibɔrb Aabɔr 25:2

Asaf aajapɔtiib binaa bimina; Sakur, ni Josef, ni Netania, ni Asarela. Bite Asaf le nan lolni bi pu nsan ki mooni Uwumbɔr aabɔr n‑yoonn mu ubɔr ti siin na.

1 Bibɔrb Aabɔr 25:3

Jedutunn aajapɔtiib biloob bimina; Gedalia, ni Seri, ni Jesaya, ni Simei, ni Hasabia, ni Matitia. Bite le nan lolni bi pu nsan le bi mooni Uwumbɔr aabɔr ki gbaa tibar, ki gaa ilahn, ki pak ki dooni Uwumbɔr.

1 Bibɔrb Aabɔr 25:9

Bijab ikui ilee ni imonko inaa ni biniin bimina nan yakr ki ti saa ŋidichal moninko ni ŋinaa la, ligetekr bee lidichal mɔk ponn ni nan ye bijab kipiik ni bilee la, le ligetekr mɔk kpa usaloln. Baah nan tun baatun ki paa tɔb pu pu na sɔ: 1. Josef u nyan ni Asaf aadichal ni na 2. Gedalia 3. Sakur 4. Seri 5. Netania 6. Bukia 7. Asarela 8. Jesaya 9. Matania 10. Simei 11. Usiel 12. Hasabia 13. Sebuel 14. Matitia 15. Jerimof 16. Hanania 17. Josbekasa 18. Hanani 19. Maloti 20. Eliata 21. Hotir 22. Gidalti 23. Mahasiof 24. Romamti‑Eser.

1 Bibɔrb Aabɔr 6:16

Liifai nan ma mbijabim mutaa la. Baayimbil sɔ: Gesonn, ni Kohaf, ni Merari.

1 Bibɔrb Aabɔr 6:33

Ŋidichal ŋi nan yeh lituln limina na aayimbil sɔ: Kohaf aataŋaal ponn ni, Hemann le nan ye njan aalahngaab aasaloln. Ute le nan ye Joel. Waadichal ki ti saa Jakob mɔk aanib aayimbil sɔ: Hemann, ni Joel, ni Samuel,

1 Bibɔrb Aabɔr 6:39

Asaf le nan ye lelee aalahngaab aasaloln. Waadichal ki ti saa Liifai mɔk aanib aayimbil sɔ: Asaf, ni Berekia, ni Simea,

1 Bibɔrb Aabɔr 6:44

Etann, u nan ye Merari aataŋaal pu aanii na, le nan ye bilahngaab bi paa bileler pu na aasaloln. Waadichal ki ti saa Liifai mɔk aanib aayimbil sɔ: Etann, ni Kisi, ni Abdi, ni Maluk,

1 Bibɔrb Aabɔr 9:33

Liifai yaab aadichal ŋibaa mu le nan ye Uwumbɔr Aadichal ni aalahngaab ni biwangbaab. Ŋidichal ŋimina aadichadam nan koo Uwumbɔr Aadichal aadir tibaa ni, le kaa ki tun lituln libaa kpee, ba pu? nwiin pu ni kinyeek mɔk bi nan yin bi le bi ti tun baatuln.

2 Bibɔrb Aabɔr 23:1

Utotoor Jehoyada aah nan mɔr ki ti saa ŋibin ŋiloob na, le u bui ke n‑yoonn ŋeer ke u fii sil. U ni butɔb aaninkpiib biŋmu bibaa nan ŋa kimɔbaan: bima le ye Jeroham aajapɔɔn Asaria, ni Jehohanann aajapɔɔn Ismael, ni Obed aajapɔɔn Asaria, ni Adaya aajapɔɔn Maaseya, ni Sikri aajapɔɔn Elisafat.

2 Bibɔrb Aabɔr 23:13

Nima chee le u nan ti kan ubɔrpɔɔn ngbaan si Uwumbɔr Aadichal aabisamɔb, jaatɔlk u bi ŋa bibɔrb pu na chee. Butɔb aajab aaninkpiib ni binib bi pii kakaan tiib na le nan si gob u. Binib ngbaan mɔmɔk nan kpa mpopiin aafuuk ki pii kakaan tiib, le Uwumbɔr Aadichal ni aawangbaab, ni bilahngaab joo baawangbaakaan, ki cha binib ngbaan gaa ilahn. Atalia nan daa kar kar waawanpeenkaan mpombiin pu, le ki teen ke, “Linibiil, linibiil.”

2 Bibɔrb Aabɔr 23:18

Jehoyada nan ban bitotoorb ni Liifai yaab le bi tun Uwumbɔr Aadichal ponn ni aatuln. Bima le nan yeh lituln li Ubɔr David nan mɔk bi ke bi tun na, ki kpee Moses aakaal aah nan mɔk ke bi li joo kitork ki bi di toor tii Uwumbɔr na seer mmii ni pu na. Bima le nan ki yeh ilahn, ni tiwangbaakaan, ni kitork mɔmɔk aatuln.

2 Bibɔrb Aabɔr 23:9

Jehoyada nan di Ubɔr David aakpaatunn ni kijaak aapen ŋi nan bi Uwumbɔr Aadichal ni na tii bininkpiib ngbaan.

2 Bibɔrb Aabɔr 31:2

Ubɔr Hesekia nan ki gir cha bitotoorb ni Liifai yaab aabimbin sil, le bimɔk kpa baatun ŋi bi tun na. Ŋima le nan ye kitork ki bi joo seer mmii ni na, ni kimɔbaan aatork, ki kpee Uwumbɔr Aadichal ni aadoon, ki tii Uwumbɔr idoon ni kipak, ni Uwumbɔr Aadichal ni aapepel mɔk ni aatun.

2 Bibɔrb Aabɔr 34:12

Bijab bi nan tun lituln ngbaan na nan ye binib la. Liifai yaab binaa bimina le nan lik baah tun pu na. Bima le nan ye Jahaf, ni Obadia, bi nan ye Merari aataŋaal ni aanib na, ni Sekaria ni Mesulam bi mu nan ye Kohaf aataŋaal ni aanib na. Liifai yaab nan ki ye binib bi nyi lilahngaal na la.

2 Bibɔrb Aabɔr 35:15

Liifai aanii Asaf aataŋaal pu aalahngaab ni biwangbaab bimina le nan si baasisiiyaan, Ubɔr David aah nan mɔk pu na. Bima le ye Asaf, ni Hemann, ni Jedutunn u nan nabr Uwumbɔr aabɔr tii ubɔr na. Liifai yaab aah nan gor Lakr‑jer Aajim ngbaan tii Uwumbɔr Aadichal aabisamɔi aakikiib na, bima aa nan ki siir cha baatuln.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.

Esra 6:18

Bi nan ki tii bitotoorb ni Liifai yaab Uwumbɔr Aadichal ni aatuln Jerusalem ni, Moses aakaal aagbaŋ aah nan mɔk pu na.

Nehemia 11:17

Maika aajapɔɔn Matania, u aayaaja nan ye Sabdi, u ye Asaf aamaal ponn ni na. Uma le nan ye bilahngaab ni biwangbaab bi gaa ilahn ki dooni Uwumbɔr na aaninkpel. Bakbukia le nan ye u paa Matania pu na. Samua aajapɔɔn Abda, u aayaaja nan ye Galal u nyan ni Jedutunn aamaal ponn ni na.

Nehemia 12:24

Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Nehemia 12:27

Buyoonn bi nan di Jerusalem aatiŋ aagoln ŋa Uwumbɔr aaŋaal ni na, bi nan yin ni Liifai yaab baah bi nin chee na mɔmɔk, ke bi nan kpaan kitork ngbaan, ki li gaa ilahn ki dooni Uwumbɔr, ki gbaa tibar ni ichayakrtuun.

Ilahn 81:2

Piin ŋigangan aagbaam man, ki li gbaa ŋidabun man; li joo tibar mɔmɔk aabɔŋ gbaa ki gaa ilahn i mɔ na man.

Ilahn 81:3

Pii kakaan njim ngbaan pu, uŋmapɔɔn aayoonn, ni uŋmapiin aayoonn.

Esekiel 40:44

U nan ki di mi koo kichinbik ni. Tidir tilee nan bi kichinbik ngbaan ni. Kibaa nan bi ŋŋangan aabisamɔb chee ki lik ŋŋangii wɔb, le kiken mu bi ŋŋangii wɔb aabisamɔb chee ki lik ŋŋangan wɔb.

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.