1 Bibɔrb Aabɔr 24:6 - Uwumbɔr aagbaŋ

⁶ Eleasar ni Itamar aayaabitiib nan nyan unii unii le bi too inaan ngbaan. Le Netanel aajapɔɔn Semaya u nan ye Liifai yaab aagbaŋmeer na ŋmee baayimbil. Ubɔr, ni waaninkpiib, ni utotoor Sadok, ni Abiatar aajapɔɔn Ahimelek, ni bitotoorb aadichadam, ni Liifai yaab aadichadam mɔmɔk nan ye biseeraadam la.

1 Bibɔrb Aabɔr 24:6 ပူးပေါင်းရင်းမြစ်များ

1 Bibɔrb 4:3

Nnaan aagbaŋmeeb: Sisa aajapɔtiib Elihoref, ni Ahija. Unii u nan joo tibɔr mɔmɔk aagbann na: Ahilud aajapɔɔn Jehosafat.

1 Bibɔrb Aabɔr 18:16

le Ahitub aajapɔɔn Sadok, ni Abiatar aajapɔɔn Abimelek nan ye bitotoorb, le Safsa nan ye nnaan ngbaan aagbaŋmeer;

1 Bibɔrb Aabɔr 23:24

Liifai aayaabitiib, ni baataŋaal, ni ŋidichal sɔ: Bi nan ŋmee bi mɔmɔk aayimbil bil la. Uyaabil umɔk nan ye ŋibin moninko ni ipaar na nan kpa lituln Uwumbɔr Aadichal ni u tun.

1 Bibɔrb Aabɔr 24:31

Udichadaan mɔk ni unaatiib ponn ni ubaa le nan too inaan ki gaa baatuln, ke bido yaab bi ye bitotoorb ki ye Aaronn aayaabitiib na aah nan ŋa pu na. Ubɔr David, ni Sadok, ni Ahimelek, ni bitotoorb ni Liifai yaab aadichadam le nan ye biseeraadam.

1 Bibɔrb Aabɔr 24:7

Ŋidichal moninko ni ŋinaa ngbaan aah nan tun baatun ki paa tɔb pu pu na sɔ: 1. Jehoyarib 2. Jedaya 3. Harim 4. Seorim 5. Malkija 6. Mijaminn 7. Hakos 8. Abija 9. Jesua 10. Sekania 11. Eliasib 12. Jakim 13. Hupa 14. Jesebeab 15. Bilga 16. Imer 17. Hesir 18. Hapises 19. Petahia 20. Jeheskel 21. Jakinn 22. Gamul 23. Delaya 24. Maasia

2 Bibɔrb Aabɔr 34:13

Liifai yaab biken le lik binib bi joo ni tidimaawan na, ki ki lik binib bi tun ŋitun ŋiken aabɔŋ na pu, le biken mu ŋmee ŋitun ni tibɔr aabɔŋ bilni, bee ki tun bikikiib aatuln.

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Nehemia 8:1

Ki joo cha ni ŋmalole ponn ni na, Israel aanib mɔmɔk nan kal baatim ponn ni. Uŋmal ngbaan aajan aawiin daal le bi mɔmɔk nan kuun ni Jerusalem ponn ni, mbisamɔb mu bi yin mu ke Nnyun Aabisamɔb na chee. Bi nan bui Esra, u nan ye utotoor ki mu bae Nkaal mu Uwumbɔr nan di tii Moses ke u di tii Israel yaab na, ke u ti yoor ni Nkaal Aagbaŋ ngbaan.

Matiu 13:52

Le u bui bi, “Unii u tuk binib Uwumbɔr aakaal na yaa dii mi kan, u naahn udichadaan u nyan ni waawankpal ponn ni tiwankpokr ni tiwapɔnn.”

Matiu 8:19

Le Uwumbɔr aakaal aamɔmɔkr ubaa nan dan u chee ki nan bui u, “Umɔmɔkr, m ga dii si, saah cha nin chee na mɔk.”

Tibɔnyaan ti Mak ŋmee ti na 2:26

Le u koo Uwumbɔr Aadichal ni, buyoonn Abiatar nan ye Uwumbɔr aatotoorninkpel na, le ki di Uwumbɔr aaboroboro ŋman, ki joo ti tii waanib mu, bi ŋman. Baah ŋa kina na, le bi bii Moses aakaal mu len ke Uwumbɔr aatotoorb baanja le ga ŋmɔ boroboro ngbaan na.