1 Bibɔrb Aabɔr 24:1 - Uwumbɔr aagbaŋ

¹ Aaronn nan ma mbijabim munaa la. Baayimbil sɔ: Nadab, ni Abihu, ni Eleasar, ni Itamar.

1 Bibɔrb Aabɔr 24:1 ပူးပေါင်းရင်းမြစ်များ

1 Bibɔrb Aabɔr 23:6

David nan yakr Liifai yaab ngbaan nfum mutaa pu la. U nan yakr bi itaŋaal itaa imina pu la, ima le ye Gesonn, ni Kohaf, ni Merari aataŋaal.

1 Bibɔrb Aabɔr 28:13

David nan ki tii u ilandak i u ga di kuun bitotoorb, ni Liifai yaab, bi li tun baatun na, ki tun Uwumbɔr Aadichal ponn ni aatuln, ni baah ga joo Uwumbɔr Aadichal ponn ni aasambil ni tiyir pu na.

1 Bibɔrb Aabɔr 6:3

Amram nan ma mbijabim mulee la. Bima le nan ye Aaronn ni Moses. Bininkpan le nan ye Miriam. Aaronn mu nan ma mbijabim binaa la. Baayimbil sɔ: Nadab, ni Abihu, ni Eleasar, ni Itamar.

1 Bibɔrb Aabɔr 6:34

ni Elkana, ni Jeroham, ni Eliel, ni Toa,

2 Bibɔrb Aabɔr 23:8

Liifai yaab ni Juda aanib mɔmɔk nan ŋa Jehoyada aah nan mɔk pu na mɔmɔk. Baa nan cha bijab bi bi lituln ni Likpaakool daal na kun; kina pu na, biyidam na nan beenin kpa bijab bi choo lituln ni na, ni bi ba chaa kun na mɔmɔk.

2 Bibɔrb Aabɔr 31:2

Ubɔr Hesekia nan ki gir cha bitotoorb ni Liifai yaab aabimbin sil, le bimɔk kpa baatun ŋi bi tun na. Ŋima le nan ye kitork ki bi joo seer mmii ni na, ni kimɔbaan aatork, ki kpee Uwumbɔr Aadichal ni aadoon, ki tii Uwumbɔr idoon ni kipak, ni Uwumbɔr Aadichal ni aapepel mɔk ni aatun.

2 Bibɔrb Aabɔr 5:11

Bitotoorb ngbaan mɔmɔk, baa nan ki dii ke wee nyan do bee do, nan toor bibaa. Liifai aalahngaab ni biwangbaab, Asaf, ni Hemann, ni Jedutunn, ni baataŋaal pu yaab mɔmɔk nan pee ŋitanyaan aawanpeenkaan la. Liifai yaab ngbaan nan sil kitork aabimbiln ngbaan aawipuul wɔb, ki joo ichayakrtuun ni tibar, ki di kpee bitotoorb nkub ni moninko bi pii kakaan tiib na pu. Bilahngaab nan gaa, le binib bi pii kakaan tiib na, ni binib bi yikr ichayakrtuun na, ni bi gbaa tiwangbaakaan niken na joo kenni bi. Bi nan gaa ilahn ki pak Uwumbɔr ke: “Uwumbɔr ŋan, pak u man, waageehm aa kpa ndoon.” Bitotoorb ngbaan aah nan bi nya Uwumbɔr Aadichal ngbaan ponn ni na, libuul ngbaan ni, le ntaalangbam mu wiin ki moor Uwumbɔr aawiihn na gbiin lidichal ngbaan, le baa nan ki ŋmaa doo baatuln ngbaan.

2 Bibɔrb Aabɔr 8:14

U nan dii ute David aah siin isan i na pu le ki mɔk bitotoorb ni Liifai yaab bi ter bitotoorb ki gaa ilahn baatuln yoonn na, le bi tun baatun. U nan ki mɔk Uwumbɔr Aadichal aakikiib, le bi mu tun baatun ibisamɔi ngbaan mɔk chee iwiin mɔmɔk. Bi nan tun ŋi Uwumbɔr aanii David aah nan mɔk pu na la.

Esra 6:18

Bi nan ki tii bitotoorb ni Liifai yaab Uwumbɔr Aadichal ni aatuln Jerusalem ni, Moses aakaal aagbaŋ aah nan mɔk pu na.

Esra 7:5

Buki aate nan ye Abisua la, le Abisua mu aate nan ye Fineas, le Fineas aate nan ye Eleasar, u aate nan ye utotoorninkpel Aaronn na.

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 6:23

Aaronn nan yoor Eliseba, Aminadab aabisal u ye Nasonn aaninkpan na, le u nan ma Nadab, ni Abihu, ni Eleasar, ni Itamar.

Nkahm 26:60

Le Aaronn mu nan ma mbijabim binaa, bi nan yin bi ke Nadab, ni Abihu, ni Eleasar ni Itamar.

Nkahm 3:2

Aaronn nan kpa mbijabim binaa la: Nadab, uma le nan ye upol, ni Abihu, ni Eleasa, ni Itamar.

Nkahm 3:4

Nadab ni Abihu nan di mmii yayan toor kitork, Sainai Aateersakpiin ni, le Uwumbɔr faa ku bi. Baa nan kpa mbim, nima pu na Eleasar ni Itamar le nan gur tun bitotoorb aatuln, buyoonn bite Aaronn nan bi limɔfal ni na.