1 Bibɔrb Aabɔr 23:4 - Uwumbɔr aagbaŋ

⁴ Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

1 Bibɔrb Aabɔr 23:4 ပူးပေါင်းရင်းမြစ်များ

1 Bibɔrb Aabɔr 6:48

Biŋeen aatɔtiib Liifai yaab biken le nan tun ŋitun ŋi mɔmɔk gur ki bi, baah dooni Uwumbɔr nin chee na.

2 Bibɔrb Aabɔr 19:8

Jehosafat nan nyan Liifai yaab, ni bitotoorb, ni bininkpiib bibaa le kaan Jerusalem ponn ni ke bi li ji binib bi bii Uwumbɔr Aakaal na tibɔr, ni kitiŋ ngbaan ponn ni aanib aanikpakpak.

2 Bibɔrb Aabɔr 23:18

Jehoyada nan ban bitotoorb ni Liifai yaab le bi tun Uwumbɔr Aadichal ponn ni aatuln. Bima le nan yeh lituln li Ubɔr David nan mɔk bi ke bi tun na, ki kpee Moses aakaal aah nan mɔk ke bi li joo kitork ki bi di toor tii Uwumbɔr na seer mmii ni pu na. Bima le nan ki yeh ilahn, ni tiwangbaakaan, ni kitork mɔmɔk aatuln.

2 Bibɔrb Aabɔr 34:13

Liifai yaab biken le lik binib bi joo ni tidimaawan na, ki ki lik binib bi tun ŋitun ŋiken aabɔŋ na pu, le biken mu ŋmee ŋitun ni tibɔr aabɔŋ bilni, bee ki tun bikikiib aatuln.

Nehemia 11:22

Uja u nan lik Liifai yaab bi nan koo Jerusalem ponn ni na le nan ye Bani aajapɔɔn Usi, u aayaaja nan ye Hasabia na. Uyaajatiib biken le nan ye Matania ni Maika, le ki ye Asaf aamaal ponn ni aanii. Mmaal ngbaan le nan ye Uwumbɔr Aadichal ponn ni aalahngaab ni biwangbaab, n‑yoonn mu bi dooni Uwumbɔr na.

Nehemia 11:9

Sikri aajapɔɔn Joel le nan ye baayidaan, le Hasenua aajapɔɔn Juda nan ye u paa kitiŋ ngbaan aatutum aaninkpel pu na.

Esekiel 44:24

Tibɔr yaa ŋa kan, bitotoorb le ga di maakaal aah mɔk pu na toor ti. Bi li joo maasan aadiim aajim aasan, ni yaah mɔk pu na, ki li joo Likpaakool daal aawiin chain.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Lituln 20:28

Ni li nyi man, ki taa cha unii ubaa ŋmann nimi. Ni li ter Yesu aanib, ki taa cha unii ubaa ŋmann bi mu. Uwumbɔr Aafuur Nyaan nan ŋa nimi waanib aaninkpiib. Ni li joo waanib ngbaan mbamɔm. Waabo nan dan nan kpo bi pu, ke bi kpaln waanib la.

Ikaal 16:18

“Nyan bibɔjirb, ni biyidam kaan ntim mu Nidindaan Uwumbɔr di tii nimi na mɔmɔk ni. Binib ngbaan li ji tibɔr, ki taa li kpa imaagann.