1 Bibɔrb Aabɔr 23:28 - Uwumbɔr aagbaŋ

²⁸ Baah nan siin bi ŋitun ŋi na sɔ: libaa le nan ye ke bi li ter Aaronn aayaabitiib bi ye bitotoorb na, aan bi li tun Uwumbɔr aadoon aatuln, ki li toor Uwumbɔr Aadichal aachiln, ni tidir ni, ki li kii tiwan nimɔk bi chain na, tijɔŋ taa meeh ni,

1 Bibɔrb Aabɔr 23:28 ပူးပေါင်းရင်းမြစ်များ

1 Bibɔrb 6:5

Bi nan maa tidiwaatiir titaa tɔŋ tɔb pu tam Uwumbɔr Aadichal ngbaan aagon. Ti nan bi lipuwɔb, ni isikakl ilee mɔk pu. Kibaa mɔk aah paa paacham pu na nan ye ŋitaa ŋilole ni ligeln la.

1 Bibɔrb Aabɔr 18:17

le Jehoyada aajapɔɔn Benaya nan ye bijab bi kii David na aaninkpel, le Ubɔr David aajapɔtiib nan ye bininkpiib, waatuln ni.

1 Bibɔrb Aabɔr 23:27

Liifai aanii umɔk nan ti saa ŋibin moninko na nan ŋmee waayimbil ki kpa waatuln, David aakookoo aabɔr aah nan siin pu na la.

1 Bibɔrb Aabɔr 23:29

ki li yeh boroboro u bi joo tii Uwumbɔr na aatuln, ni n‑yon mu bi joo tii ipiin na, ni maab u bi ken u aan waa kpa boroboro aanyɔk na, ni ipiin i bi ken i na, ni n‑yon mu bi di olif aakpan buun mu na aatuln; ki li ŋaŋni Uwumbɔr Aadichal ni aapiin,

1 Bibɔrb Aabɔr 23:4

Ubɔr David nan cha bi ponn ni ŋichur moninko ni ŋinaa le ye Uwumbɔr Aadichal ponn ni aatutum, le ŋichur ŋiloob ye bi ŋmee Uwumbɔr Aadichal ponn ni aatuln mɔmɔk aabɔr bilni, ki toor binib bi kpa kijaak na aabɔr,

1 Bibɔrb Aabɔr 28:13

David nan ki tii u ilandak i u ga di kuun bitotoorb, ni Liifai yaab, bi li tun baatun na, ki tun Uwumbɔr Aadichal ponn ni aatuln, ni baah ga joo Uwumbɔr Aadichal ponn ni aasambil ni tiyir pu na.

2 Bibɔrb Aabɔr 23:4

Taah ga ŋa pu na sɔ: bitotoorb ni Liifai yaab yaa dan lituln ni, Likpaakool daal kan, bi ga yakr nfum mutaa la, le ligeln libaa ga li kiir Uwumbɔr Aadichal aabisamɔi,

2 Bibɔrb Aabɔr 23:6

Ubaa taa koo Uwumbɔr Aadichal ni ki kpee bitotoorb, ni Liifai yaab bi bi lituln pu na. Baah toor bibaa chain na pu le bi ga ŋmaa koo, le binib bi gur na li joo Uwumbɔr aakaal na ki li bi lipaal.

2 Bibɔrb Aabɔr 29:15

Bijab bimina le nan kuun Liifai yaab biken, le bi mɔmɔk finn bibaa chain. Le ubɔr aah di pu tuk bi na, bi piin ki bi finni Uwumbɔr Aadichal chain, Uwumbɔr Aakaal aah mɔk pu na.

2 Bibɔrb Aabɔr 29:5

le ki tuk bi tibɔr nima chee. U nan len ke, “Nimi Liifai yaab le ga finn nibaa chain, le ki finn niyaajatiib Aadindaan Uwumbɔr Aadichal. Nyan man tiwan nimɔk bi li ponn ni ki bii li na.

2 Bibɔrb Aabɔr 31:11

Ubɔr nan cha bi toor tijikaar aadir Uwumbɔr Aadichal aapaan ni,

2 Bibɔrb Aabɔr 31:2

Ubɔr Hesekia nan ki gir cha bitotoorb ni Liifai yaab aabimbin sil, le bimɔk kpa baatun ŋi bi tun na. Ŋima le nan ye kitork ki bi joo seer mmii ni na, ni kimɔbaan aatork, ki kpee Uwumbɔr Aadichal ni aadoon, ki tii Uwumbɔr idoon ni kipak, ni Uwumbɔr Aadichal ni aapepel mɔk ni aatun.

Esra 8:29

Ni li kii ŋi mbamɔm aan ŋi ti fuu Uwumbɔr Aadichal ni. Ni ti ŋaŋ ni mɔmɔk bitotoorb aadir ni, nima chee, ki di tii bitotoorb aayidam ni Liifai yaab, ni Israel yaab aayidam Jerusalem ni.”

Nehemia 11:24

Mesesabel aajapɔɔn Petahia, u ye Sera aamaal ponn ni aanii ki ye Juda aanibol aanii na, le nan si Israel yaab aasisii Pesia aabɔr aadichal ni.

Nehemia 13:9

M nan cha bi toor kitork ki ŋa tidir ngbaan chain, ki di Uwumbɔr Aadichal ponn ni aawan, ni njikaabim aapiin, ni Uwumbɔr aatulalee aayon ki ki giin ni siin tidir ngbaan ponn ni.

Jeremia 35:4

le ki joo ni bi Uwumbɔr Aadichal ni. M nan di bi buen ubɔnabr Hanann, u aate ye Igdalia na aadidiliib aadiik ni la. Kidiik kimina nan bi Salum aajapɔɔn Maaseya, u nan ye Uwumbɔr Aadichal ni aanikpaan ubaa na aadiik aapaacham la, le ki bi duun bininkpiib biken aadir.

Esekiel 40:17

Uja ngbaan nan di mi dii nsan ki ti koo lichinjal ni. Bi nan maa tidir piitaa le tam ligoln ngbaan, le bi di ŋitakpal nak mpaan mu bi tidir ngbaan aabisamɔb wɔb na,

Esekiel 41:26

Takolu tiib nan bi kinaakook kee aasikakl ilee ngbaan pu, le bi naan ŋibɔkpal aasui ŋa ŋigon ngbaan pu.

Esekiel 42:13

Uja ngbaan nan bui mi ke, “Ŋidichal ŋilee ŋee mɔmɔk ye chain la. Ŋima ponn ni le bitotoorb bi chaa Uwumbɔr aanimbiin ni na ji chain chain aatork aajikaar. Tidir ngbaan aah bi chain na, nima chee le bitotoorb ga di chain chain aapiin, i ye njikaabim aatork, ni titunwanbir aatork, bee lipɔln aateem aatork na siin.

Esekiel 42:3

Laapepel libaa nan lik mpaan mu kpak Uwumbɔr Aadichal ki ye ŋitaa piitaa ni ŋiniin la, le lipepel liken na lik lichinjal aakɔl na. Bi nan maa li tɔŋ tɔb pu nfum mutaa pu la, le liker li tɔk taab aaker pu na nyan puwɔb, le litatar na ti moo nyan puwɔb ki jer lileler na.

Esekiel 44:14

M joo Maadichal ni aanaagbiituln le tii bi.”