1 Bibɔrb Aabɔr 23:25 - Uwumbɔr aagbaŋ

²⁵ David nan bui ke, “Israel yaab Aadindaan Uwumbɔr tii waanib nsuudoon, le uma ubaa ga li koo Jerusalem ponn ni ki ti saa n‑yoonn mu kaa kpa ndoon na.

1 Bibɔrb Aabɔr 23:25 ပူးပေါင်းရင်းမြစ်များ

2 Samuel 7:1

Ubɔr David nan ka waabɔrchiln ni, le Uwumbɔr kii u, waadim aa ŋmaa ŋa u nibaa.

1 Bibɔrb 8:13

Tɔ, m maa Saadichal li ŋan sakpen, ki wiir na tii si, nima le aa ga li koo n‑yoonn mɔmɔk.”

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

1 Bibɔrb Aabɔr 22:18

U nan bui ke, “Tidindaan Uwumbɔr bi ni chee le ki tii nimi nsuudoon ŋipepel mɔmɔk pu. U cha m nyaŋ binib bi mɔmɔk nan bi kitiŋ kee pu na, le bi kpaln nimi ni Uwumbɔr aatutum.

2 Bibɔrb Aabɔr 23:18

Jehoyada nan ban bitotoorb ni Liifai yaab le bi tun Uwumbɔr Aadichal ponn ni aatuln. Bima le nan yeh lituln li Ubɔr David nan mɔk bi ke bi tun na, ki kpee Moses aakaal aah nan mɔk ke bi li joo kitork ki bi di toor tii Uwumbɔr na seer mmii ni pu na. Bima le nan ki yeh ilahn, ni tiwangbaakaan, ni kitork mɔmɔk aatuln.

Ilahn 135:21

Pak Uwumbɔr, Sionn aatiŋ ni, pak u, udo Jerusalem ni man. Pak Uwumbɔr man.

Ilahn 68:16

Ba ŋa aa bi saajoomɔju sakpiin ngbaan paab ki lik seen lijool li Uwumbɔr lee ke u li bi nima na? Uwumbɔr ga li bi nima chee n‑yoonn mɔmɔk.

Ilahn 68:18

U joo binaagbiib pam ki chaa paacham; u gaal ipiin binib bi yii waamɔb na chee. Tidindaan Uwumbɔr le ga li bi nima.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Kolosiya 2:9

Uwumbɔr aabimbin mɔmɔk bi Yesu Kristo aawon ni.

Josua 23:1

Naah bi cha na, le Uwumbɔr tii Israel yaab linyaŋ baadim pu, le bi kan nsuudoon. N‑yoonn ngbaan Josua nan por pam,