1 Bibɔrb Aabɔr 23:24 - Uwumbɔr aagbaŋ

²⁴ Liifai aayaabitiib, ni baataŋaal, ni ŋidichal sɔ: Bi nan ŋmee bi mɔmɔk aayimbil bil la. Uyaabil umɔk nan ye ŋibin moninko ni ipaar na nan kpa lituln Uwumbɔr Aadichal ni u tun.

1 Bibɔrb Aabɔr 23:24 ပူးပေါင်းရင်းမြစ်များ

1 Bibɔrb Aabɔr 23:23

Merari aajapɔɔn uleler u bi nan yin u ke Musi na, nan ma mbijabim mutaa la. Baayimbil sɔ: Mali, ni Eder, ni Jeremof.

1 Bibɔrb Aabɔr 23:27

Liifai aanii umɔk nan ti saa ŋibin moninko na nan ŋmee waayimbil ki kpa waatuln, David aakookoo aabɔr aah nan siin pu na la.

1 Bibɔrb Aabɔr 23:3

U nan kahn Liifai aajab bi ye ŋibin piitaa ni ipaar na mɔmɔk. Bi nan ti saa bijab ŋichur piitaa ni ŋiniin la.

2 Bibɔrb Aabɔr 31:17

Bitotoorb tun baatun itaŋaal la, le Liifai yaab bi nan ye ŋibin moninko ni ipaar na tun ŋiker ŋiker pu.

Esra 3:8

Baah nan ki gir ni Uwumbɔr Aadichal aapaan ni, Jerusalem ni na, aabileler aaŋmalee ni, le bi nan piin lituln. Serubabel, ni Josua, ni bido yaab bi gur na mɔmɔk, ni bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni Jerusalem ni na, nan kpaan ki tun lituln ngbaan. Liifai yaab bi nan saa ŋibin moninko ki jer na le nan ye Uwumbɔr Aadichal ngbaan aamaam aaninkpiib.

Nehemia 7:1

Taah maa ligoln ngbaan doo na, le ti di ibisamɔi aajaaleŋ tiib piin, le ki ban Uwumbɔr Aadichal aakikiib kaan, ki kan Lidichal ngbaan ni aalahngaab mu, ki tii Liifai yaab mu baatun.

Nkahm 1:18

bi nan yin ŋipepel ngbaan aanib mɔmɔk, lelee aaŋmal ni, njan aawiin daal, le ki ŋmee binib ngbaan aayimbil itaŋaal itaŋaal, ni mmaal mmaal. Bi nan ŋmee bijab bi aabin ye moninko, ni bi jer kina na aayimbil, le ki kahn bi mɔmɔk,

Nkahm 10:17

Bi yaa nan ber Uwumbɔr Aabool ngbaan kan, Gesonn ni Merari aataŋaal ni yaab le ga tun tiwan ngbaan mɔmɔk le ki chuun.

Nkahm 10:21

Liifai yaab bi ye Kohaf aataŋaal ni aanib na mu ga paan, ki tu Uwumbɔr aah ŋa tiwan ni chain na. N‑yoonn mu bima ti fuu nkakaa chee na mui bi ki gaa Uwumbɔr Aabool ngbaan a.

Nkahm 18:5

Sin, ni aajapɔtiib baanja le ga tun Chain Aapepel wɔb, ni kitork aabimbiln pu aatuln. Nima kan, maaŋuul aan ki fii Israel yaab pu.

Nkahm 2:32

Israel yaab aah nan yakr ŋigetek ŋigetek, aan bi ŋmee baayimbil bi ti kpaan ki saa pu na, nan ye ŋichur ikui iloob ni ŋitaa, ni ikui iŋmu ni piiŋmu la.

Nkahm 3:15

ke u ŋmee Liifai yaab aayimbil ki kahn bi itaŋaal itaŋaal, ni mmaal mmaal, ki ŋmee ubijabo umɔk fuu uŋmal ubaa na, ni bi jer kina na,

Nkahm 3:47

Aa di tikunabr aamombil ŋiŋmu, ŋi aanyunyuun ye maah siin pu na, pa ubaabaa pu,

Nkahm 4:23

ki ŋmee bijab bi ye ŋibin piitaa ki ti saa piiŋmu ki ŋeer bi tun lituln Maabool ponn ni na aayimbil.

Nkahm 4:3

ki ŋmee bijab bi ye ŋibin piitaa ki ti saa piiŋmu ki ŋeer bi tun lituln Maabool ponn ni na aayimbil.

Nkahm 8:24

“Liifai aanii yaa ti saa ŋibin moninko ni ŋiŋmu kan, u ŋeer ke u tun lituln nnimbiin ni, Maabool ni.