1 Bibɔrb Aabɔr 23:13 - Uwumbɔr aagbaŋ

¹³ Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

1 Bibɔrb Aabɔr 23:13 ပူးပေါင်းရင်းမြစ်များ

1 Bibɔrb Aabɔr 23:12

Kohaf nan ma mbijabim munaa la. Baayimbil sɔ: Amram, ni Isar, ni Hebronn, ni Usiel.

1 Bibɔrb Aabɔr 6:3

Amram nan ma mbijabim mulee la. Bima le nan ye Aaronn ni Moses. Bininkpan le nan ye Miriam. Aaronn mu nan ma mbijabim binaa la. Baayimbil sɔ: Nadab, ni Abihu, ni Eleasar, ni Itamar.

1 Bibɔrb Aabɔr 6:34

ni Elkana, ni Jeroham, ni Eliel, ni Toa,

Ilahn 106:16

Nteersakpiin ngbaan ni le bi nan kpa lipiipoln Moses ni Aaronn u Uwumbɔr nan lee u na pu,

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 28:36

“Aa di salmaa ŋmeen ki ŋa tiwanyaan, ki ŋmee ni pu ke ‘Uwumbɔr yoo’,

Nnyam 29:44

M ga ŋa Libool, ni kitork aabimbiln ngbaan chain. M ga nyan Aaronn ni waabijabim le bi li ye maatotoorb.

Nnyam 6:20

Amram nan yoor ute aaninkpan Jokebed, le u ma Aaronn ni Moses. Amram nan bi ki ti saa ŋibin nkub ni piitaa ni ŋilole la.

Liifai Yaab 10:10

Ni pɔɔn nibaa ki li nyi tiwan ni ye min Uwumbɔr aatuln aawan na, ni ni kaa ye maatuln aawan na, ni tiwan ni ye chain na, ni ni kaa ye chain na.

Nkahm 18:1

Uwumbɔr nan bui Aaronn ke, “Sin, ni aajapɔtiib, ni Liifai yaab, ni li nyi ke taani ubaa yaa dan Maabool aatuln ni kan, nimi le ga kan ntafadaan. Taani yaa dan kitork aatuln ni kan, aa ni aajapɔtiib baanja le ga kan ntafadaan.

Nkahm 26:59

uma le nan joo Liifai yaab aapiibo u bi nan yin u ke Jokebed, aan bi nan ma u Ijipt aatiŋ ni na. Upii ngbaan nan ma mbijabim mulee le tii Amram, bi nan yin bi ke Moses ni Aaronn, le ki ma upiibo u bi nan yin u ke Miriam na mu.

Nkahm 3:27

Kohaf aataŋaal ni aanib le nan ye Amram, ni Isar, ni Hebronn, ni Usiel aamaal.

Lituln 13:2

Le bi mɔmɔk dooni Uwumbɔr ki lul bumɔb. Baah ŋani kina na, le Uwumbɔr Aafuur Nyaan tuk bi ke bi nya Banabas ni Sɔɔl bi ti tun waah siin bi lituln li na.

Rom Yaab 1:1

Min Pɔɔl le ŋmee kigbaŋ kee. M ye Yesu Kristo aatutunn la. Uwumbɔr nan yin mi ke m li ye Yesu aakpambal, ki nyan mi ke m moon waabɔnyaan tee.

Galantiya 1:15

Uwumbɔr aanimbaasaln pu, le u lee mi buyoonn baa nan kee ma mi na, le ki yin mi ke m dii u.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.

Ikaal 21:5

Liifai aanib bi ye bitotoorb na mu li bi nima chee, ba pu? bima le ga ŋmaa len kina aakun aabɔr. Nidindaan Uwumbɔr le nyan bi ke bi li tun waatuln, aan ki li joo waayimbil ŋani tinyoor ŋani binib pu.

Hiibru Yaab 5:4

Unii ubaa aan ŋmaa nyuŋ ubaa ki ŋa ubaa utotoorninkpel, see Uwumbɔr le lee u, ki ŋa u utotoorninkpel, ke waah nan lee utotoorninkpel Aaronn pu na.

Tibɔkpiirkaan 8:3

Le Uwumbɔr aatuun uken dan nan sil kitork aabimbiln chee, ki ŋub salmaa aasambil li bi joo tulalee aayon ŋani li ponn ni na. Le bi tii u tulalee aayon sakpen u di kpee Uwumbɔr aanib mɔmɔk aameel pu, ki di ŋa salmaa aabimbiln li bi Uwumbɔr aabɔrjal aanimbiin ni na paab, ki di tii Uwumbɔr.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.