1 Bibɔrb Aabɔr 22:5 - Uwumbɔr aagbaŋ

⁵ David nan dakl ke, “Ni ŋan ke Uwumbɔr Aadichal li njapɔɔn Solomonn ga nan maa na li ŋan ki kpa liyimbil dulnyaa wee ni. Tɔ, u mu laa par, kaa kee kpa lituln aanimbiwoln, kina pu na, ni ŋan ke m gor isan siin u.” Kina pu na, David nan ban tiwan pam bil le ki nin kpo.

1 Bibɔrb Aabɔr 22:5 ပူးပေါင်းရင်းမြစ်များ

1 Bibɔrb 3:7

Ndindaan Uwumbɔr, aa cha m kal nte aajal pu ki ye ubɔr, kaa dii ke m ye ubo kaa nyi kitiŋ aajoom.

1 Bibɔrb 9:8

Lidichal limina ga ber, le unii umɔk jer nima chee na, ni ga ŋa u iwaan ni lijinjiir. Le bi ga baa ke, ‘Ba ŋa Uwumbɔr ŋa kitiŋ kimina, ni Waadichal limina kina?’

1 Bibɔrb Aabɔr 29:1

Ubɔr David nan bui binib bi mɔmɔk kuun na ke, “Njapɔɔn Solomonn le Uwumbɔr lee, tɔ, u mu laa par kaa kee kpa lituln aanimbiwoln. Lituln ngbaan ye litukpaan la, ba pu? naa ye libɔrdichal li unibɔn ban u li koo li ponn ni na, li ye Tidindaan Uwumbɔr Aadichal la.

2 Bibɔrb Aabɔr 13:7

Puwɔb le u di nifam bi kaa bi tibaa ni na, le bi di baageehn tii Solomonn aajapɔɔn Rehoboam u nan par kaa nyi waah ga ŋa pu ki giin bi kaan na.

2 Bibɔrb Aabɔr 2:4

M bi maa Uwumbɔr Aadichal ke m nyuŋ Ndindaan Uwumbɔr la. Li ga li ye lidichal li bi chain, aan m ni maanib ga li seer tulalee aayon mu nu mɔ na tii u, ki dooni u na la. Nima chee le ti ga li joo boroboro u ye chain na tii u ipiin n‑yoonn mɔmɔk. Nima chee le ti ga li toor kitork ki joo seer mmii ni, kichakpiik ni, ni kijook mɔmɔk, ki kpee Likpaakool daal, ni Uŋmapɔɔn Aajim Aatork, ni iwinyaan iken na aatork, ki nyuŋni Tidindaan Uwumbɔr. U bui ke Israel yaab li ŋani kina n‑yoonn mɔmɔk.

2 Bibɔrb Aabɔr 2:5

Timi Aawumbɔr aah jer ŋiwaa mɔmɔk na, m ŋa nlandak ke m maa Uwumbɔr Aadichakpaan la.

2 Bibɔrb Aabɔr 2:8

M nyi ke saakpikpiib nyi lituln pam, kina pu na, tii ni mi santina, ni lisalaasiil, ni santina uken na aadɔ i bi Lebanonn ni na.

2 Bibɔrb Aabɔr 7:21

“N‑yoonn mumina, bi nyuŋni Maadichal ngbaan sakpen, tɔ, ni ga nan ŋa unii umɔk jer li chee na iwaan le u baa ke, ‘Ba ŋa Uwumbɔr ŋa kitiŋ kee ni lidichal lee kina?’

Esra 3:12

Bitotoorb ni Liifai yaab, ni itaŋaal aayidam bi nan por na pam nan kan njan Aameen Aadichal na, le baah si lik Uwumbɔr Aadichal aadinyikl aatakpal ngbaan na, bi nan kaani le ki wii, mpombiin pu, le bi gur na ma nan tar mpɔɔn pu ni mpopiin ŋmeen.

Ŋiyataŋak 4:3

Maah nan laa ye ubo waatiir, ki ye nte ni nna aabobaal na, nte nan mɔk mi tiwan.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Aisaya 64:11

le Saadichal li bi chain ki ŋan aan tiyaajatiib nan dooni si nima na, wun mmii a. Taah nan gee nin chee mɔmɔk na kpaln tilangbenn la.

Esekiel 7:20

N‑yoonn mubaa bi nan kpa kigaak baatakpanyaan pu la, le bi di ŋi ŋa ŋiwaa ŋi sukr ponn ni na. Nima le cha Uwumbɔr cha baawangol sukr biponn ni.

Hagai 2:3

“Unii ubaa bi ni ponn ni ki ga ŋmaa teer njan Aadichal aah nan ŋan pu na aa? Li bi ni chee kinye dandana? Nibaakan, laan li ye nibaa ni chee kpala.

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.

Tibɔnyaan ti Luk ŋmee ti na 21:5

Tɔ, binib bibaa nan bi len Uwumbɔr Aadichal aah ŋan pu na, ki kpa ŋitakpanyaan, ni ipiin i binib tii Uwumbɔr na.

Jɔnn 13:1

Ni nan ye kitaak ki ga nan ji aan ki woln Lakr‑jer aajim daal na. Le Yesu nyi ke ni ŋeer u nya dulnyaa wee ni, ki buen Ute Uwumbɔr chee. N‑yoonn mɔmɔk u nan gee waanib bi bi dulnyaa ni na. U gee bi mbamɔm ki ti saa ndoon.

Jɔnn 3:30

Ni ŋan ke uma Kristo li moo kani mpɔɔn, le m ma gur.”

Jɔnn 9:4

Ni ŋan ke ti tun Uwumbɔr u tun ni mi na aatuln nwiihn aah laa bi pu na; mbɔmbɔɔn choo, le ubaa aan ki ŋmaa tun.