1 Bibɔrb Aabɔr 22:3 - Uwumbɔr aagbaŋ

³ U nan ban tikur ti bi ga di ŋa ikupiin ni ibuenŋmaankaan i bi ga di ŋmaan ibisamɔi aadɔ na mu pam, le ki ban tikumann ti wiir aan ubaa aan ŋmaa ŋaŋ taanyunyuun na mu.

1 Bibɔrb Aabɔr 22:3 ပူးပေါင်းရင်းမြစ်များ

1 Bibɔrb 7:47

Solomonn aa nan cha bi ŋaŋ tikumann ngbaan aanyunyuun, ba pu? ni ye ke tiwan ngbaan nan wiir sakpen, kina pu na, ubaa aa nan nyi taanyunyuun aah ye pu na.

1 Bibɔrb Aabɔr 22:14

Uwumbɔr Aadichal ngbaan pu, m pɔɔn mbaa ki kan salmaa u aanyunyuun ga pii ndibim bɔtɔ ŋichur ŋiniin na, ki kan tikunabr ti mu aanyunyuun ga pii bɔtɔ ŋichur ikui iniin na, ke bi di maa li. Ki kpee nee pu na, tikumann ni tikur ti kaa kpa nkahm na mu bi. Ŋitakpal ni idɔ mu bi, tɔ, aa mu tee ga ban tiwan kpee ni pu.

1 Bibɔrb Aabɔr 29:2

M pɔɔn mbaa ki ban Uwumbɔr Aadichal ngbaan aawanbankaan. Nima le ye salmaa, ni tikunabr, ni tikumann, ni tikur, ni idɔ, ni ŋitakpanyaan aabɔŋ aabɔŋ, ni ŋitakpapiin.

1 Bibɔrb Aabɔr 29:7

Salmaa u aanyunyuun ga pii ndibim bɔtɔ ŋichur ŋitaa ni ikui iniin na, ni tikunabr ti aanyunyuun ga jer ndibim bɔtɔ ŋichur ŋilole ni ikui iloob na, ni tikumann ti aanyunyuun ga pii ndibim bɔtɔ ŋichur kipiik ni ŋitaa ni ikui iŋmu, ni tikur ti aanyunyuun ga pii ndibim bɔtɔ ŋichur imonko itaa ni kipiik ni ŋiŋmu.

2 Bibɔrb Aabɔr 4:18

Baah nan naan tiwan ngbaan aan ni wiir pu na, unii ubaa aa nan nyi baah nan di tikumann ti ŋa ni na aanyunyuun.

Jeremia 52:20

Ubɔr Solomonn aah nan ŋa tikumann aawan ni bi joo tun Uwumbɔr Aadichal ni aatuln na: jaatɔlk mam bilee na, ni tɔroku mam, ni nkin sakpiin, ni inaaja kipiik ni ilee i pu mu si tɔk na, nan nyuun sakpen ke bi ŋaŋ naanyunyuun.

Ikaal 8:9

Kitiŋ ngbaan ni, nkon aan chuu nimi, le ni mu aan lann nibaa. Kaatakpasakpiin kpa tikur ŋi ponn ni, le ni ga ŋmaa kan kaagongon ni tikumann.