1 Bibɔrb Aabɔr 22:19 - Uwumbɔr aagbaŋ

¹⁹ Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

1 Bibɔrb Aabɔr 22:19 ပူးပေါင်းရင်းမြစ်များ

1 Bibɔrb 5:3

“Aa nyi ke butɔb aah nan bi n‑yoonn mɔmɔk pu, aan nte David jaa ŋitimbol ŋi mann gob u na pu na, waa nan ŋmaa maa Lidichal tii Uwumbɔr aadoon pu, ki ti saa buyoonn Uwumbɔr nan tii u linyaŋ waadim pu na.

1 Bibɔrb 8:21

M ki di Waakaal Aadakaa u ŋitakpapapan ŋilee na bi u ni na di siin Waadichal ngbaan ni. Ŋitakpapapan ngbaan pu le bi nan ŋmee kimɔbaan ki Uwumbɔr ni tiyajaatiib nan ŋa buyoonn uma Uwumbɔr nyan ni bi Ijipt aatiŋ ni na.”

1 Bibɔrb 8:6

Le bitotoorb nin yoor Nkaal Aadakaa ngbaan di koon Chain Chain Aapepel ni, ki ti di u siin tiwan ni kpa ifeen na aataab, Uwumbɔr Aadichal ni.

1 Bibɔrb Aabɔr 16:10

Taah ye waanib pu na, cha tisui li piin man. Cha binib bimɔk dooni u na li kpa mpopiin.

1 Bibɔrb Aabɔr 16:11

Li cha Uwumbɔr chee ki ti ban nterm man, ki li dooni u n‑yoonn mɔmɔk.

1 Bibɔrb Aabɔr 22:16

Binib bi nyi salmaa, ni tikunabr, ni tikumann, ni tikur aatuln na mɔmɔk bi. Piin lituln ngbaan, aan Uwumbɔr li bi aa chee.”

1 Bibɔrb Aabɔr 22:7

David nan bui u ke, “Maabo, m nan ban ke m maa Uwumbɔr Aadichal ki di nyuŋ Ndindaan Uwumbɔr la,

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

2 Bibɔrb Aabɔr 5:7

Le bitotoorb nin yoor Uwumbɔr Aakaal Aadakaa ngbaan koon Chain Chain Aapepel ni, Uwumbɔr Aadichal ponn ni, ki di ti siin tiwan ni kpa ifeen na aataab.

2 Bibɔrb Aabɔr 6:11

M di Nkaal Aadakaa u ŋitakpapapan ŋilee bi u ponn ni na di siin Uwumbɔr Aadichal ni. Ŋitakpan ngbaan pu le Uwumbɔr ni waanib Israel yaab aamɔbaan ŋmee paa.”

Ilahn 119:2

Binib bi joo waamɔboln ki kii tii u bisui mɔmɔk ni na kpa mpopiin,

Ilahn 14:2

Uwumbɔr bi paacham le ki lik ni unibɔn, ke u lik ke bibaa bi ki kpa nlan aan baa bi, ke bibaa bi ki dooni u aan baa bi.

Ilahn 27:4

M mee Uwumbɔr tiwan nibaa la; tiwan nibaa baanja le m ban, ke m li bi Uwumbɔr Aadichal ni n‑yoonn mɔmɔk ki mee u, u mɔk mi waasan, aan waaŋann li ye iwaan aawan m chee.

Nnyam 25:8

Cha binib ngbaan ŋa Libool tii mi, nima kan, m ga li bi gbɔk bi.

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Jeremia 29:13

Ni ga ban mi, le ki ga kan mi, ba pu? ni ga di nisui mɔmɔk le ban mi.

Daniel 9:3

Le m nan mee ki gaŋ Tidindaan Uwumbɔr linimaln, ki lulni bumɔb, ki peeni tiwan ni saak kuub na, ki kaa nfatan ni tibɔr ngbaan pu.

Hagai 1:5

Naa waa tiwan ni bi ŋani nimi na aa?

Hagai 1:8

Tɔ, buen ŋigongon pu man aan ki ti gaa idɔ ki nan gir maa Maadichal; aan ki ki doon mi ke naah ga doon mi pu na, aan nsui piir.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 22:16

Taa taan. Fiin, ki yin waayimbil ki mee u, ki cha m muin si nnyun ni, ki finn aapobil saatunwanbir pu.’”

Ikaal 4:29

Nima chee le ni ga lik ki ban Nidindaan Uwumbɔr, le ni yaa di nisui mɔmɔk ban u kan, ni ga kan u.