1 Bibɔrb Aabɔr 22:16 - Uwumbɔr aagbaŋ

¹⁶ Binib bi nyi salmaa, ni tikunabr, ni tikumann, ni tikur aatuln na mɔmɔk bi. Piin lituln ngbaan, aan Uwumbɔr li bi aa chee.”

1 Bibɔrb Aabɔr 22:16 ပူးပေါင်းရင်းမြစ်များ

1 Bibɔrb 2:2

“Maayoonn fuu ni ke m kpo. Taa li san ijawaan, ki cha aanimbil li man

1 Bibɔrb 7:47

Solomonn aa nan cha bi ŋaŋ tikumann ngbaan aanyunyuun, ba pu? ni ye ke tiwan ngbaan nan wiir sakpen, kina pu na, ubaa aa nan nyi taanyunyuun aah ye pu na.

1 Bibɔrb Aabɔr 22:11

David nan ki len ke, “Maabo, Tidindaan Uwumbɔr li bi aa chee, ki cha waah puu tipuur ti ke aa ga maa lidichal tii u na gbiin kina.

1 Bibɔrb Aabɔr 22:14

Uwumbɔr Aadichal ngbaan pu, m pɔɔn mbaa ki kan salmaa u aanyunyuun ga pii ndibim bɔtɔ ŋichur ŋiniin na, ki kan tikunabr ti mu aanyunyuun ga pii bɔtɔ ŋichur ikui iniin na, ke bi di maa li. Ki kpee nee pu na, tikumann ni tikur ti kaa kpa nkahm na mu bi. Ŋitakpal ni idɔ mu bi, tɔ, aa mu tee ga ban tiwan kpee ni pu.

1 Bibɔrb Aabɔr 22:15

Bitutum pam bi aa chee. Bijab bi, ki ga li kpir ŋitakpal, le bidimaab ni bikpikpiib mu bi, le ki kpee biwanŋab mɔmɔk aabɔŋ mu bi.

1 Bibɔrb Aabɔr 22:3

U nan ban tikur ti bi ga di ŋa ikupiin ni ibuenŋmaankaan i bi ga di ŋmaan ibisamɔi aadɔ na mu pam, le ki ban tikumann ti wiir aan ubaa aan ŋmaa ŋaŋ taanyunyuun na mu.

1 Bibɔrb Aabɔr 28:10

Aa li nyi ke Uwumbɔr lee sin le ke aa maa lidichal li bi chain na tii u. Tɔ, di lineen maa li.”

1 Bibɔrb Aabɔr 29:2

M pɔɔn mbaa ki ban Uwumbɔr Aadichal ngbaan aawanbankaan. Nima le ye salmaa, ni tikunabr, ni tikumann, ni tikur, ni idɔ, ni ŋitakpanyaan aabɔŋ aabɔŋ, ni ŋitakpapiin.

2 Bibɔrb Aabɔr 1:1

Ubɔr David aajapɔɔn Solomonn nan ye Israel aanaan aabɔrkpaan la, le Udindaan Uwumbɔr nan ŋa tinyoor ŋa u pu ki tii u mpɔɔn sakpen.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

1 Korenti 15:58

Nnaabigeehm, nima pu na, n‑yoonn mɔmɔk ni li tun Tidindaan aatuln sakpen, ki taa cha nibaa leŋ nimi. Ni li bi li ni; ba pu? ni nyi ke ni yaa tun lituln tii Tidindaan kan, naa tun fam.

Efesusi 5:14

Nima pu le ti gaa ilahn ke, “Si u dɔ geen na, finn aan ki fikr nkun ni, le Kristo ga li wiin aa pu.”

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Josua 1:2

“Maatutunn Moses kpo a. Gor dandana wee, aa ni Israel yaab ngbaan mɔmɔk, aan ni puur Jɔɔdann aamɔɔl, ki koo kitiŋ ki m ban m di ki tii nimi na ni.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Josua 7:10

Le Uwumbɔr bui Josua ke, “Fii sil. Ba ŋa aa dɔ kitiŋ kina?

Bibɔjirb 4:14

Le Debora bui Barak ke, “Li cha. Uwumbɔr le loln aa pu nsan. Din wee le u tii si linyaŋ Sisera pu.” Le Barak ni waajab ŋichur kipiik ngbaan sunn Tabor Aajool.

1 Samuel 17:37

Uwumbɔr gaa mi ichinn ni takɔ mam chee lii, u ga gaa mi Filistia aanii wee mu chee lii.” Le Sɔɔl bui u ke, “Ni ŋan. Li cha aan Uwumbɔr le bi aa chee.”

1 Samuel 20:13

U yaa sil dak ke u ku si kan, aan maa cha aa ŋun ki san ŋmar kan, Uwumbɔr faa ku mi. Uwumbɔr li bi aa chee ke waah nan bi nte chee pu na.