1 Bibɔrb Aabɔr 22:15 - Uwumbɔr aagbaŋ

¹⁵ Bitutum pam bi aa chee. Bijab bi, ki ga li kpir ŋitakpal, le bidimaab ni bikpikpiib mu bi, le ki kpee biwanŋab mɔmɔk aabɔŋ mu bi.

1 Bibɔrb Aabɔr 22:15 ပူးပေါင်းရင်းမြစ်များ

2 Samuel 5:11

Taya aatiŋ aabɔr Hiram nan tun ni kitiirk aatun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

1 Bibɔrb 7:14

Ute, u kaa nan ki bi na, nan koo Taya aatiŋ ni la. U mu nan ye tikumann aawanŋal kpaan la; Huram aana nan ye Naftali aanibol ni aanii la. Huram nan ye unii u bae ki nyi tiwan aaŋam sakpen na la. U nan kii Ubɔr Solomonn aayim ngbaan, ke u ga li yeh tikumann aatuln mɔmɔk.

1 Bibɔrb Aabɔr 22:14

Uwumbɔr Aadichal ngbaan pu, m pɔɔn mbaa ki kan salmaa u aanyunyuun ga pii ndibim bɔtɔ ŋichur ŋiniin na, ki kan tikunabr ti mu aanyunyuun ga pii bɔtɔ ŋichur ikui iniin na, ke bi di maa li. Ki kpee nee pu na, tikumann ni tikur ti kaa kpa nkahm na mu bi. Ŋitakpal ni idɔ mu bi, tɔ, aa mu tee ga ban tiwan kpee ni pu.

1 Bibɔrb Aabɔr 22:16

Binib bi nyi salmaa, ni tikunabr, ni tikumann, ni tikur aatuln na mɔmɔk bi. Piin lituln ngbaan, aan Uwumbɔr li bi aa chee.”

2 Bibɔrb Aabɔr 2:6

Tɔ, ubaa mu aan sil ŋmaa maa lidichal tii Uwumbɔr, ba pu? paacham aah wiir sakpen pu na aa kpa mpaan ki tii u. Kina pu na, maah ban m maa Uwumbɔr Aadichal li na ga li ye nin chee ti ga li seer tulalee aayon tii Uwumbɔr na baanja la.

2 Bibɔrb Aabɔr 2:7

Cha unii u nyi ki ga ŋmaa naan tiwan ŋa salmaa, ni tikunabr, ni tikumann, ni tikur pu na, ki ŋmaa luu ŋitambɔn, ni ŋitanyaan, ni ŋitaman aakeken na dan. U ni nte David aah nan nyan biwanŋab bi Juda ni Jerusalem ponn ni na le ga nan kpaan tun lituln.

Nnyam 28:6

“Bi di tikokonbɔnn, ni nsiin, ni timann, ni salmaa aakokonn, ni ŋitanyaan, ki di ŋa libɔkul li kaa kpa iŋaal na, ki gbaŋ mann goln ŋimɔgben mɔmɔk.

Nnyam 35:32

le u kpa nlandak ki nyi waah ga di salmaa, ni tikunabr, ni tikumann ki donn ŋa tiwanyaan mɔmɔk aabɔŋ pu na,

Nnyam 35:35

U cha bi ŋmaa kpii ŋitakpanyaan pu, bee tikunabr pu, ki ŋmee ki naani tiwan aabɔŋ ni pu, ki ŋmaa joo tikokonn luu ŋitanyaan, ni ŋikeken ŋiken aabɔŋ. Bi nyi ki ŋmaa ŋani tiwan aabɔŋ, ki ŋmaa joo ipiih aakur ti man chaun, ni nsiin, ni timann na gbaŋni nyɔla nyɔla mɔmɔk aabɔŋ.