1 Bibɔrb Aabɔr 22:14 - Uwumbɔr aagbaŋ

¹⁴ Uwumbɔr Aadichal ngbaan pu, m pɔɔn mbaa ki kan salmaa u aanyunyuun ga pii ndibim bɔtɔ ŋichur ŋiniin na, ki kan tikunabr ti mu aanyunyuun ga pii bɔtɔ ŋichur ikui iniin na, ke bi di maa li. Ki kpee nee pu na, tikumann ni tikur ti kaa kpa nkahm na mu bi. Ŋitakpal ni idɔ mu bi, tɔ, aa mu tee ga ban tiwan kpee ni pu.

1 Bibɔrb Aabɔr 22:14 ပူးပေါင်းရင်းမြစ်များ

1 Bibɔrb 10:14

Libiln mɔk ni kan, Ubɔr Solomonn nan kani salmaa u aanyunyuun ga pii njikaabim bɔtɔ tiib ikui iŋmu na,

1 Bibɔrb 7:47

Solomonn aa nan cha bi ŋaŋ tikumann ngbaan aanyunyuun, ba pu? ni ye ke tiwan ngbaan nan wiir sakpen, kina pu na, ubaa aa nan nyi taanyunyuun aah ye pu na.

2 Bibɔrb 25:16

Ubɔr Solomonn aah nan ŋa tikumann aawan ni bi joo tun Uwumbɔr Aadichal ni aatuln na: jaatɔlk tiib bilee na, ni tɔroku tiib, ni nkin sakpiin na, nan nyuun sakpen ke bi ŋaŋ naanyunyuun.

1 Bibɔrb Aabɔr 22:15

Bitutum pam bi aa chee. Bijab bi, ki ga li kpir ŋitakpal, le bidimaab ni bikpikpiib mu bi, le ki kpee biwanŋab mɔmɔk aabɔŋ mu bi.

1 Bibɔrb Aabɔr 22:3

U nan ban tikur ti bi ga di ŋa ikupiin ni ibuenŋmaankaan i bi ga di ŋmaan ibisamɔi aadɔ na mu pam, le ki ban tikumann ti wiir aan ubaa aan ŋmaa ŋaŋ taanyunyuun na mu.

1 Bibɔrb Aabɔr 29:2

M pɔɔn mbaa ki ban Uwumbɔr Aadichal ngbaan aawanbankaan. Nima le ye salmaa, ni tikunabr, ni tikumann, ni tikur, ni idɔ, ni ŋitakpanyaan aabɔŋ aabɔŋ, ni ŋitakpapiin.

Jeremia 52:20

Ubɔr Solomonn aah nan ŋa tikumann aawan ni bi joo tun Uwumbɔr Aadichal ni aatuln na: jaatɔlk mam bilee na, ni tɔroku mam, ni nkin sakpiin, ni inaaja kipiik ni ilee i pu mu si tɔk na, nan nyuun sakpen ke bi ŋaŋ naanyunyuun.

2 Korenti 8:2

Bi nan kan falaa, ni ntɔŋ, ni igiin sakpen a. Le bi mu nan kpa mpopiin ki ti nyaŋ. Baagiin ponn ni, le bi nan kpa tibulchinn, ki tii Uwumbɔr ipiin sakpen.