1 Bibɔrb Aabɔr 22:13 - Uwumbɔr aagbaŋ

¹³ Aa yaa dii ikaal i mɔmɔk Uwumbɔr nan di tii Moses ke u di tii Israel yaab na kan, aa ga nyaŋ. Cha aanimbil li man ki li si chob, ki taa san nibaa ijawaan.

1 Bibɔrb Aabɔr 22:13 ပူးပေါင်းရင်းမြစ်များ

1 Bibɔrb 2:2

“Maayoonn fuu ni ke m kpo. Taa li san ijawaan, ki cha aanimbil li man

1 Bibɔrb 2:3

ki ŋa Aadindaan Uwumbɔr aah bui si ke aa ŋa pu na. Li dii waakaal, ni waamɔkm mɔmɔk, baah ŋmee i pu Moses Aakaal ponn ni na, aan ki kan tinyoor saatuln mɔmɔk ni, ni nin chee mɔk aa buen na.

1 Bibɔrb Aabɔr 28:10

Aa li nyi ke Uwumbɔr lee sin le ke aa maa lidichal li bi chain na tii u. Tɔ, di lineen maa li.”

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

1 Bibɔrb Aabɔr 28:7

U yaa beenin joo maakaal ni maah siin u pu na mbamɔm ke waah joo pu dandana na kan, m ga cha waanaan li bi ki ti saa n‑yoonn mu kaa kpa ndoon na.’

2 Bibɔrb Aabɔr 14:6

N‑yoonn mue le u nan maa ŋigon kiir Juda aatim. Le Uwumbɔr aah tii u nsuudoon na, ŋibin pam nan jer kaa joo ni butɔb.

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

2 Bibɔrb Aabɔr 26:5

N‑yoonn mumɔk Sekaria, u nan ye Uwumbɔr aadidiir, ki ye waasusur na nan bi limɔfal ni na u nan tun Uwumbɔr aageehn mbamɔm. Le Uwumbɔr nan ŋa u tinyoor.

2 Bibɔrb Aabɔr 32:7

“Cha nisui li dɔ aan ni li joo kin kin man, ki taa li san Asiria aabɔrkpaan, bee bijab bi u loln bi pu nsan na ijawaan. Ti kpa mpɔɔn ki jer waah kpa pu na.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 119:6

M yaa kpa saamɔbon pu ntafaŋum kan, maan ji inimɔɔn daalbaadaal.

Ilahn 72:1

Uwumbɔr, mɔk ubɔr aan u di ibamɔn ji binib tibɔr; yakr saabamɔn tii u, aan u di ibamɔn joo saanib, ki di tiŋann joo binib bi bi muk bi na.

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Sekaria 8:9

“Min Uwumbɔr Mpɔɔnsakpiindaan le len ke: Cha nitaakpab li pɔɔ man. Ni bi ŋun tibɔr chachaan ti maabɔnabtiib nan len, n‑yoonn mu bi nan ki gir bil ŋitakpal ke bi maa Maadichal na la.

Matiu 3:15

Le Yesu bui u ke, “Kii kina n‑yoonn mue. Ni ŋan ke ti ŋa Uwumbɔr aah ban pu na mɔmɔk.” Le Jɔnn kii ki muin u nnyun ni.

Lituln 13:22

Nee aapuwɔb le Uwumbɔr nyan u bi chee, ki di David ŋa baabɔr, ki len ke, ‘David u ye Jese aajapɔɔn na bi maah gee pu na. U ga li ŋani maah gee pu na mɔmɔk.’

1 Korenti 16:13

Ni li nyi man, ki li dii Yesu mbamɔm, ki taa di cha waasan. Ni li kpa lipobil man, ki li kpa mpɔɔn mu Uwumbɔr tii nimi na.

Galantiya 6:2

Kii Kristo aakaal mbamɔm man, ki li ter tɔb nimi aamuk ponn ni.

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

2 Timoti 2:1

Maabo, pɔɔk aataakpab Yesu Kristo aah ter si pu na.

Jemisi 2:8

Uwumbɔr aanaan aakaal mu bi waagbaŋ ni na le ye ke, “Aa li gee aana aabo ke saah gee aabaa pu na.” Ni yaa sil ŋani kina kan, nima le ŋan.

Josua 1:18

Unii umɔk kpak si ki yii saah len pu na kan, udaan ŋeer bi ku u. Pɔɔn aabaa ki li kpa lipobil.”