1 Bibɔrb Aabɔr 21:8 - Uwumbɔr aagbaŋ

⁸ David nan bui Uwumbɔr ke, “M tun titunwanbir ti bir sakpen na, lituln li m tun na ponn ni. M gaŋ si, di cha pinn mi. M tun kijɔrk aatuln la.”

1 Bibɔrb Aabɔr 21:8 ပူးပေါင်းရင်းမြစ်များ

Mpiin 34:7

n‑yaayoonn ngbaan le Jakob aajapɔtiib mu nyan ni timoor ni ki kun ni. Baah ŋun ke Sekem ŋa kina na, le ni tii bi mpobiyuk, ki cha baaŋuul fii Sekem pu sakpen, ke waah ŋa pu na, u lik seen Israel yaab sakpen a.

2 Samuel 12:13

Le David bui ke, “M tun Uwumbɔr titunwanbir.” Le Natann gar u ke, “Uwumbɔr di cha pinn si, saan kpo.

2 Samuel 13:13

M ga ki ŋa kinye ki ŋmaa yaar n‑yil binib ni. Le aa ga jinn aabaa inimɔɔn Israel aanib ni. M gaŋ si, pɔɔk aabaa ki bui ubɔr; m nyi ke aa yaa len kan, u ga di mi tii si.”

2 Samuel 24:10

Tɔ, David aah kahn binib ngbaan doo kina na, le usui bii, le u bui Uwumbɔr ke, “M tun titunwanbir ti bir sakpen na. M gaŋ si ke aa di cha pinn mi. M tun kijɔrk aatuln la.”

1 Bibɔrb Aabɔr 21:7

Uwumbɔr aasui aa nan piin lituln ngbaan pu, le u daa Israel yaab aatafal.

2 Bibɔrb Aabɔr 10:9

U nan bui bi ke, “Ni ga sur mi kinye? M ga bui binib bi bi mee mi ke m bar baamuk pu tii bi na kinye?”

Ilahn 25:11

Uwumbɔr, li joo saah puu tipuur ti na, ki di maatunwanbir ti wiir sakpen na cha pinn mi,

Ilahn 32:5

Le m kpiir maatunwanbir tuk si, maa nan di maataani bɔr si. M nan kii ki kpiir ti tuk si, le aa di cha maatunwanbir pinn mi.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

1 Jɔnn 1:9

Uwumbɔr ŋani waah len pu na ki ye mbamɔndaan la. Ti yaa kpiir timi aatunwanbir tuk u kan, u ga di cha pinn timi aatunwanbir, ki finn tipobil, ki nyan tiwan ni kaa ŋan na mɔmɔk.

1 Samuel 13:13

Samuel nan gar u ke, “Kijɔrk aatuln le aa tun na. Saa dii nkaal mu Aadindaan Uwumbɔr tii si na. Aa yaa ba dii mu kan, u ba ga cha sin ni aayaabitiib li joo Israel yaab ki ti saa n‑yoonn mu kaa kpa ndoon na.

1 Samuel 26:21

Sɔɔl nan kii u ke, “M tun taani. Maabo David, gir ni. Maan ki tun si taani ubaa; ba pu? aa gaa maamɔfal lii kinyeek kee. M ŋa mbaa ujɔr la. M tun titunwanbir sakpen.”