1 Bibɔrb Aabɔr 21:26 - Uwumbɔr aagbaŋ

²⁶ U nan maa kitork aabimbiln tii Uwumbɔr nima, ki toor kitork ki bi ga di see mmii ni na, ni kimɔbaan aatork mu. U nan mee Uwumbɔr, le Uwumbɔr nan kii waameel ngbaan ki cha mmii nyan ni paacham ki nan wun kitork ngbaan, libimbiln ngbaan paab.

1 Bibɔrb Aabɔr 21:26 ပူးပေါင်းရင်းမြစ်များ

1 Bibɔrb 18:24

Le ni cha liwaal Baal aawaadam mee baawaal, aan m mu mee Uwumbɔr, aan udaan u kii ki cha mmii sunn ni na, uma le ye Uwumbɔr.” Le binib ngbaan kii ni kookoo jɔk jɔk.

1 Bibɔrb 18:38

Le Uwumbɔr cha mmii sunn ni, ki nan wun kitork ngbaan, ni idɔ, ni ŋitakpal, ki kuur kitiŋ kpan kpan, le nnyun mu dɔ libuul na ponn ni na foor pel pel.

1 Bibɔrb Aabɔr 21:27

Uwumbɔr nan bui waatuun ngbaan ke u di waajuk ngbaan bil, le u kii ki ŋa kina.

2 Bibɔrb Aabɔr 3:1

Solomonn aate, Ubɔr David nan puen gor nin chee Uwumbɔr Aadichal ga sil na. Nima chee le ye Moria Aajool li pu Uwumbɔr nan di ubaa mɔk David aan li bi Jerusalem ni na. Nima chee le Jebus aanii Arauna nan ŋa waadipoipaal na.

2 Bibɔrb Aabɔr 7:1

Ubɔr Solomonn aah mee waameel doo na, le mmii nyan ni paacham ki nan gaa kitork ki bi toor tii Uwumbɔr na. Le Uwumbɔr aawiihn mu moor ki deer ŋinimbil ni na gbiin Uwumbɔr Aadichal ngbaan.

Ilahn 51:15

Uwumbɔr, ter mi aan m ŋmaa len ki pak si.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ilahn 99:9

Pak Tidindaan Uwumbɔr man, li dooni u waagongoln li bi chain na pu man. Tidindaan Uwumbɔr bi chain la.

Ŋiyataŋak 15:8

Uwumbɔr aa gee bibiindam aatork, le usui piin bininyaam aameel pu.

Aisaya 65:24

Waahr aan bi nin mee mi doo na, m ga kii baameel.

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Nkahm 16:50

N‑yoonn mu binib ngbaan aa ki kpoi na, le Aaronn gir buen Moses chee Uwumbɔr Aabool taab.

Bibɔjirb 13:20

Imiigaal aah nan nyan libimbiln ngbaan pu ki fii paacham na, le Manoa ni upuu kan Uwumbɔr aatuun ngbaan bi imiigaal ngbaan ni, ki fii toŋ paacham. N‑yoonn ngbaan le Manoa nin bee ke uja na ba ye Uwumbɔr aatuun la, le u ni upuu tar lir kitiŋ bipuu pu. Baa nan ki kan ntuun ngbaan daalbaadaal.

Bibɔjirb 6:21

Le Uwumbɔr aatuun ngbaan di waah joo lidabil li na meeh tinann ngbaan, ni boroboro ngbaan. Mmii nan nyan ni litakpal ngbaan ni, le ki wun tinann ni boroboro ngbaan. Le ntuun ngbaan wɔŋ.