1 Bibɔrb Aabɔr 21:12 - Uwumbɔr aagbaŋ

¹² Aa ban nkon lir saatiŋ pu ŋibin ŋitaa, bee iŋmal itaa ponn ni nimi aadim aajab li san dii nimi, bee iwiin itaa ponn ni Uwumbɔr di waajaak aajuk tak nimi ki cha iween lir saatiŋ pu, ki cha waatuun di nkun lii ni Israel aatiŋ mɔmɔk pu? M ga ti bui Uwumbɔr ke ba?”

1 Bibɔrb Aabɔr 21:12 ပူးပေါင်းရင်းမြစ်များ

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

2 Bibɔrb 8:1

Elaisa nan tuk upii u nan bi Sunem aatiŋ ni, aan Elaisa nan fikr ujapɔɔn nkun ni na, ke Uwumbɔr ga cha nkon dan kitiŋ ngbaan pu, ki ga yunn ki ti saa ŋibin ŋilole, kina pu na, u ni waadichal nya nima ki buen nibaa chee.

1 Bibɔrb Aabɔr 21:11

Le Gad nan buen David chee ki ti bui u Uwumbɔr aah len pu na, le ki baa u ke, “Nilani aa gee?

Ilahn 91:6

kaan san tiweenbir ti chur binib mbɔmbɔɔn ni na, kaan san nwiin pu aawanbir ti ku na.

Nnyam 12:23

N‑yoonn mu Uwumbɔr yaa nan dan ke u chuun Ijipt aatiŋ ni ki ku bi na kan, u yaa nan kan nsin ngbaan nimi aadichal aabisamɔi pu kan, waan cha nkun aatuun koo nimi aadichal ni ki ku nimi.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Jeremia 12:12

Bijab nyan ni nteersakpiin aatim ni le ki nan jenn gaa maanib aawan. M tun ni butɔb le ke bu nan bii doo kitiŋ ngbaan mɔmɔk; ubaa aan kan lifuur nima.

Jeremia 42:16

butɔb bu ni san ijawaan na ga nyaŋ nimi, nkon mu ni san na ga li dii nimi, le ni ga kpo Ijipt ni.

Jeremia 47:6

Ni wii ke, ‘Uwumbɔr aajaak aajuk, saan di cha timi ii? Gir koo saajufuuk ni, ki ti li bi nima ki fuur.’

Inandalahn 4:9

Binib bi nan kpoi butɔb ni na aakun nan soor ni bi kpo puwɔb na, nkon le nan ku bima ngbaan, le tijikaar aa nan bi, bi ji ki ŋmar.

Liifai Yaab 26:10

Ni ga chee tijikaar kpok mae, le ki nin kan mpaan ki di tijikaapɔnn ŋa ŋipil ni.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Tibɔnyaan ti Luk ŋmee ti na 4:25

“Li pel man, Elaija aayoonn na, utaal aa nan nun ŋibin ŋitaa ni iŋmal iloob. Le nkon sakpem lir kitiŋ ngbaan ni. N‑yoonn ngbaan Israel yaab ponn ni bikpopiib nan bi ki wiir.

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Ikaal 28:15

“Tɔ, ni yaa yii Nidindaan Uwumbɔr aamɔb, kaa joo waakaal, ni waah bui nimi din wee pu na kan, tibɔbir timina mɔmɔk ga dan ni pu:

Ikaal 28:22

Uwumbɔr ga cha iween i door na chur nimi, niwon ga duun, le ki li ton. U ga cha ntaaweel, ni libuln li ton na see nimi aajikaar. Kina aabɔbir ga li bi ni pu, le ni ti kpoi doo.

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

Ikaal 28:35

Uwumbɔr ga cha nitaa wɔb kpaln ibuun i kaan sɔŋ na, i ga li wu pam, le ŋichakpelar ga biin niwon pu, ki yoor niyil ki ti saa nitaafar.