1 Bibɔrb Aabɔr 20:4 - Uwumbɔr aagbaŋ

⁴ Puwɔb le butɔb nan ki fii Israel yaab ni Filistia yaab bi bi Geser ni na aakaasisik ni. Butɔb ngbaan ni le Sibekai u ye Husa aatiŋ aanii na nan ku liwɔkl li bi yin li ke Sipai na; bi nan nyaŋ Filistia yaab.

1 Bibɔrb Aabɔr 20:4 ပူးပေါင်းရင်းမြစ်များ

Mpiin 14:5

Ŋibin kipiik ni ŋinaa ni, le ubɔr Kedolaomer, ni bibɔrb biken nan di baajab ti to ki nyaŋ Refa aanib bi nan bi Asterof Kanayim aatiŋ ni na, ni Sus aanib bi nan bi Ham aatiŋ ni na, ni Em aanib bi nan bi Kiriataim aafataŋ ni na,

2 Samuel 21:15

Butɔb buken nan ki fii, Israel yaab ni Filistia yaab aakaasisik ni, le David ni waajab buen aan bi ni Filistia aajab ti jan. Kijaak ngbaan kibaa ni, le David nan ti bak.

2 Samuel 21:16

Liwɔkl libaa, bi nan yin u ke Isbi‑Benob, u nan joo tikumann aakpaatuŋ ki aanyunyuun nan ga li pii ndibim kuruwaa bitaa ni ligeln aah nyuun pu na, ki pee kijaak aajupɔŋ na, nan dak ke u ga ŋmaa ku David la,

1 Bibɔrb Aabɔr 14:16

David nan ŋa Uwumbɔr aah bui u pu na, le ki ŋman ki jenn dii Filistia yaab aajab ki nyan Gibeonn kina ki ti saa Geser.

Josua 12:12

ni Eglonn, ni Geser,

Josua 16:3

ki yoor kina buen liwilir wɔb, nin chee Jaflet yaab bi na, ki dii kina ti nyan Bef Horonn Aataab wɔb, le ki dii kina ti ker Geser aatiŋ ni, ki di ti doo Kaasisik ni Aanyusakpem wɔb.