1 Bibɔrb Aabɔr 2:55 - Uwumbɔr aagbaŋ

⁵⁵ Imaal imina, Tiraf, ni Simeaf, ni Sukaf yaab, bi nan koo Jabes aatiŋ ni na, nan ye biwanyib bi ŋmaa ŋmee ki ki lik binib aaŋmeen ki ŋmee ŋani tigbann ni na la. Bi nan ye Kenn yaab la, le ki yoor Rekab aapiib.

1 Bibɔrb Aabɔr 2:55 ပူးပေါင်းရင်းမြစ်များ

2 Bibɔrb 10:15

Jehu nan ki di kal nsan pu, le Rekab aajapɔɔn Jonadab ti ton u nsan ni. Jehu nan doon u le ki bui u ke, “M ni sin aalandak kpaan la. Aa ga ter mi ii?” Le Jonadab kii ke, “M ga ter si.” Le Jehu bui u ke, “Kina kan, tii mi ŋŋaal.” Bi nan tii tɔb iŋaal, le Jehu ter u aan u koo u chee waataan aatɔroku ni,

1 Bibɔrb Aabɔr 2:54

Salma, u nan naan Betlehem aatiŋ na, le nan ye Netofaf aanib, ni Atrof Bef Joab, ni Sor aanib aayaaja. Sor aanib nan ye Manahaf aatiŋ aataŋaal ilee na ponn ni mubaa la.

1 Bibɔrb Aabɔr 3:1

David aah nan bi Hebronn ni ki ma mbijabim mu na aayimbil sɔ: Bi paa paa tɔb pu baaninkpir aah ye pu na la; Amnonn, u aana nan ye Jesreel aatiŋ aapii u bi nan yin u ke Ahinoam na, le nan ye upol. Daniel le nan paa, le una ye Abigail, u nyan ni Kamel aatiŋ ni na. Absalom mu le nan paa, le una nan ye Maaka, u aate nan ye Gesur Aabɔr Talmai na; Adonija mu le nan paa Absalom pu, le una nan ye Hagif; Sefatia mu le nan paa, le una nan ye Abital; Itream mu le nan paa, le una nan ye Egla.

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Jeremia 35:19

Kina pu na, min, Uwumbɔr Mpɔɔnsakpiindaan u ye Israel yaab Aawumbɔr na, puu ke Rekab aajapɔɔn Jonadab ga li kpa yaabil u ga li tun maatuln n‑yoonn mɔmɔk na.”

Jeremia 8:8

Ni ga ŋa kinye ki bui ke ni kpa nlan ki nyi maakaal? Lik man, bigbaŋmeeb na le di beebee kpeln maakaal.

Bibɔjirb 1:16

Moses aachool, u nan ye Kenn aanii na aayaabitiib nan nyan Jeriko, kitiŋ ki ye ŋibɔkpal aatiŋ na ni, ki dii Juda aanib buen kitikuun ki bi Arad aatiŋ aaŋangii wɔb, Juda aapepel ni na, le ki ti kal Amalek yaab chee nima.

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

1 Samuel 15:6

U nan tun ti bui Kenn aanib, bi aayaajatiib nan ŋa Israel yaab tiŋann buyoonn bi nan nyan ni Ijipt ni na ke, “Nyan cha man Amalek yaab, aan m taa nan ku nimi kpee bi pu.” Le Kenn yaab ngbaan nyan cha bi.