1 Bibɔrb Aabɔr 2:54 - Uwumbɔr aagbaŋ

⁵⁴ Salma, u nan naan Betlehem aatiŋ na, le nan ye Netofaf aanib, ni Atrof Bef Joab, ni Sor aanib aayaaja. Sor aanib nan ye Manahaf aatiŋ aataŋaal ilee na ponn ni mubaa la.

1 Bibɔrb Aabɔr 2:54 ပူးပေါင်းရင်းမြစ်များ

1 Bibɔrb Aabɔr 2:52

Sobal, u nan naan Kiriaf Jearim aatiŋ na, le nan ye Haroe aanib, ni Menuhof aanib ligeln,

1 Bibɔrb Aabɔr 2:53

ni imaal i nan koo Kiriaf Jearim ni ki ye Ifer yaab, ni Puf yaab, ni Sumaf yaab, ni Misra yaab na aayaaja. (Sora ni Estaol aatim aanib mu nan nyan ni imaal imina ni la.)

1 Bibɔrb Aabɔr 2:55

Imaal imina, Tiraf, ni Simeaf, ni Sukaf yaab, bi nan koo Jabes aatiŋ ni na, nan ye biwanyib bi ŋmaa ŋmee ki ki lik binib aaŋmeen ki ŋmee ŋani tigbann ni na la. Bi nan ye Kenn yaab la, le ki yoor Rekab aapiib.

Nehemia 12:28

Liifai yaab aalahngaab ngbaan nan nyan ni baah nan ka ka nin chee ki mann goln Jerusalem na, ni ntim mu bi Netofa chee,

Nehemia 7:26

Binib bi aayaajatiib nan koo ntim mue ponn ni na mu nan gir ni: Betlehem ni Netofa aatim ponn ni—binib nkub ni imonko inaa ni biniin; Anatof aatiŋ ponn ni—binib nkub ni moninko ni biniin; Bef Asmafef aatiŋ ponn ni—binib imonko ilee ni bilee; Kiriaf Jearim, ni Kefira, ni Beerof aatim ponn ni—binib ikui ilole ni imonko ilee ni bitaa; Rama ni Geba aatim ponn ni—binib ikui iloob ni moninko ni ubaa; Mikmas aatiŋ ponn ni—binib nkub ni moninko ni bilee; Betel ni Ai aatim ponn ni—binib nkub ni moninko ni bitaa; Nebo aatiŋ kiken na ponn ni—binib piiŋmu ni bilee; Elam aatiŋ kiken na ponn ni—binib lichur ni ikui ilee ni piiŋmu ni binaa; Harim aatiŋ ponn ni—binib ikui itaa ni moninko; Jeriko aatiŋ ponn ni—binib ikui itaa ni imonko ilee ni biŋmu; Lod, ni Hadid, ni Ono aatim ponn ni—binib ikui ilole ni moninko ni ubaa; Senaa aatiŋ ponn ni—binib ŋichur ŋitaa ni ikui iwae ni piitaa.

Josua 16:2

ki yoor Betel aatiŋ mɔk ki di buen Lus aatiŋ mɔk, ki ti saa Atarof Adar aatiŋ, nin chee Ak yaab bi na,

Ruf Aagbaŋ 1:1

N‑yoonn mu jer aan Israel yaab aa nan kee kpa bibɔrb na, le nkon nan lir Israel yaab aatiŋ pu. Kina pu le uja u bi nan yin u ke Elimelek, aan u ye Efraf aamaal aanii, ki koo Betlehem aatiŋ ki bi Juda aatiŋ pu na, ni upuu Naomi, ni ujapɔtiib bilee bi bi yin bi ke Malonn ni Kilionn na, nan laa fii kun Moab aatiŋ ni.