1 Bibɔrb Aabɔr 19:7 - Uwumbɔr aagbaŋ

⁷ Bi nan pan ŋichur piitaa ni ŋilee aataan aatɔroku tiib, ni bijab bi ŋaal tɔroku tiib na, ni Maaka aabɔr aajab, le bi nan ti kuun kal gbaŋ Medeba. Le Amonn yaab mu nyan ni baatim mɔmɔk ni ki gor ke bi ti jan kijaak.

1 Bibɔrb Aabɔr 19:7 ပူးပေါင်းရင်းမြစ်များ

2 Samuel 10:6

Amonn yaab nan bee ke bi ŋa David baadin, le bi buen Siria ki ti ban bijab ŋichur moninko, Bef Rehob ni Soba aatim ni, ki ban ŋichur kipiik ni ŋilee Tob aatiŋ ni, le ki ban Maaka aabɔr ni waajab lichur, ke bi ti jan tii bi aan bi pa bi.

1 Bibɔrb Aabɔr 18:4

David nan chur waataan ni yaatɔroku tiib lichur, ni waajab bi dik itaan pu na ŋichur ŋilole, ni waajab bi chuun kitiŋ na ŋichur moninko. U nan nyan itaan i ga ŋeer itaan aatɔroku tiib nkub na, le ki gaa kpar i gur na aataachur.

1 Bibɔrb Aabɔr 19:8

David aah ŋun tibɔr ngbaan na, le u tun Joab ni waajab mɔmɔk ke bi ti ŋeer tɔb.

2 Bibɔrb Aabɔr 14:9

Kus aanii ubaa, bi nan yin u ke Sera nan di bijab ŋichur ŋichur lichur, ni itaan aatɔroku tiib ikui itaa koo Juda aatiŋ ni, ki yoor ti saa Maresa aatiŋ ni.

Nnyam 14:9

Le Ijipt yaab aajab, ni baataan, ni baatɔroku tiib, ni binib bi ŋaal tɔroku tiib na di paan bi pu, le ki ti pii bi, baah nan kal nin chee, Nnyusakpem Mamam mu bi gbɔk Pi Hahirof ni Baal Sefonn chee na.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Nkahm 21:30

Le n‑yoonn mue, baamaal bii doo, ki yoor Hesbonn aatim mɔmɔk, ki ti ker Dibonn aatiŋ, ki ki yoor Nasim aatiŋ ni, ki ti ker Nofa aatiŋ ki bi gbɔk Medeba aatiŋ na.”

Josua 13:16

Baatiŋ nan yoor ki ti ker Aroer mɔk, ki nan bi Anonn Aafataŋ aamɔgben la, ni kitiŋ ki bi kifataŋ ngbaan aakaasisik ni na, le ki kpee ntim mu mann gonn Medeba aatiŋ na,

Josua 13:9

Baatiŋ mɔk nan yoor ki ti ker Aroer aatiŋ mɔk, ki nan bi Anonn Aafataŋ aamɔgben la, ni kitiŋ ki nan bi kifataŋ ngbaan aakaasisik ni na, ki kpee Medeba aatiŋ, ki ti ker Dibonn aatiŋ mɔk na,

Bibɔjirb 4:3

Jabinn nan kpa itaan aah dar tɔroku tiib bi na ikui iwae la, le ki nan joo mbiin muk Israel aanib, ki ti saa ŋibin moninko. Le Israel aanib wii yin Uwumbɔr, ki ban nterm.

1 Samuel 13:5

Filistia yaab nan kuun ke bi ni Israel yaab jan kijaak. Bi nan kpa butɔb aataan aatɔroku mam ŋichur piitaa la, ki kpa bijab bi dik itaan pu na ŋichur ŋiloob, ki kpee bijab bi wiir ke limɔɔgbaln aatambol na. Bi nan buen Mikmas, kitiŋ ki bi Bef Afenn aawipuul wɔb na, le ki ti kuun kal nima,