1 Bibɔrb Aabɔr 18:14 - Uwumbɔr aagbaŋ

¹⁴ David nan joo Israel aanib mɔmɔk le ki nan ŋani waanib mɔmɔk mbamɔm.

1 Bibɔrb Aabɔr 18:14 ပူးပေါင်းရင်းမြစ်များ

2 Samuel 8:15

David nan joo Israel aanib mɔmɔk, le ki nan ŋani waanib mɔmɔk mbamɔm.

1 Bibɔrb Aabɔr 12:38

Bijab bee mɔmɔk nan gor ki kii butɔb la, le ki buen David chee Hebronn ni, ki joo gbin gbin ke bi ti ŋa u Israel mɔmɔk aabɔr. Israel aanib bi mɔmɔk nan gur na nan ŋa kimɔbaan, nlandakbaan ngbaan pu la.

1 Bibɔrb Aabɔr 18:13

U nan kaan kaan butɔb aajab Edom aatim mɔmɔk ni, le Edom yaab kpaln Ubɔr David aatutum. Uwumbɔr nan tii David linyaŋ, ni kookoo.

1 Bibɔrb Aabɔr 18:15

Abisai aanaal Joab le nan ye David aajab aaninkpel, le Ahilud aajapɔɔn Jehosafat nan ye ugbaŋmeer,

1 Bibɔrb Aabɔr 29:26

Jese aajapɔɔn David nan joo Israel aatimbol mɔmɔk ki ti saa ŋibin imonko ilee la.

Ilahn 72:1

Uwumbɔr, mɔk ubɔr aan u di ibamɔn ji binib tibɔr; yakr saabamɔn tii u, aan u di ibamɔn joo saanib, ki di tiŋann joo binib bi bi muk bi na.

Ilahn 89:14

Saanaan si mbimbinyaan ni ibamɔn pu la; saatuln mɔmɔk ni kan, saageehm ni saah bi chob pu na nyani mpaan pu la.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 22:15

Aa yaa di santina maa saadichal ke li li ŋan jer biken yaan kan, kina ga ŋmaa ŋa si ubɔrnyaan ki jer biken aa? Aate nan jin waamɔɔn u nan bi chob ki kpa ibamɔn, le ki nan kan tinyoor waatuln mɔmɔk ni.

Jeremia 33:15

N‑yoonn ngbaan le m ga lee Ubɔrkpaan David aayaabil u aabimbin ŋan na ŋa ubɔr. Ubɔr ngbaan ga ti tun ni ŋan ki ye ibamɔn na le kitiŋ ngbaan mɔmɔk pu.