1 Bibɔrb Aabɔr 18:12 - Uwumbɔr aagbaŋ

¹² Abisai, u aana nan ye Seruya na nan ti nyaŋ Edom yaab ki ku baajab ŋichur kipiik ni ŋiniin, kifataŋ ki bi yin ki ke N‑yaan Aafataŋ na ni.

1 Bibɔrb Aabɔr 18:12 ပူးပေါင်းရင်းမြစ်များ

2 Samuel 10:10

le ki di bijab bi gur na tii unaal Abisai, le u mu di bima ngbaan lul sil toŋ Amonn yaab.

2 Samuel 10:14

Amonn yaab aah kan Siria yaab bi san na, le bi mu san cha Abisai ni waajab, ki gir koo baatiŋ ni. Le Joab di cha, kaa ki faa Amonn yaab ngbaan butɔb, ki gir kun Jerusalem.

2 Samuel 20:6

Kina pu le ubɔr nan bui Abisai ke, “Seba ga tii timi tibɔr, ki jer Absalom aah nan tii timi tibɔr pu na. Di maajab paan u pu, naa ye kina kan, u ga gaa tijawan aatim mubaa ki ŋmar.”

2 Samuel 21:17

le Seruya aajapɔɔn Abisai nan dan nan ter David, le u ni liwɔkl ngbaan di saa tɔb, le u ku liwɔkl ngbaan. Le David aajab cha u puu ke waan ki dii bi buen butɔb ni. Bi nan bui u ke, “Sin le ye Israel aanib aamakl, le taa ban ke aa nya timi aaŋaal ni.”

2 Samuel 23:18

Joab u nan ye Seruya aabo na aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

2 Samuel 3:30

Joab ni unaal Abisai nan ku Abner, waah nan ku binaal Asahel pu Gibeonn aatɔb ponn ni pu na la.

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

1 Bibɔrb 11:15

N‑yoonn mu aan David nan nyaŋ Edom aatiŋ na, waajab aaninkpel Joab nan buen nima u ti sub ŋinikpol. U ni waajab nan gaar Edom ni ki ti saa iŋmal iloob. N‑yoonn ngbaan, u ni waajab nan ku Edom aajab mɔmɔk

2 Bibɔrb 14:7

Amasia nan ku Edom aajab ŋichur kipiik, N‑yaan Aafataŋ ni; u nan nyaŋ Sela aatiŋ butɔb ni, le ki yin ki ke Jokteel, liyimbil ngbaan le bi beenin joo yin ki.

1 Bibɔrb Aabɔr 11:20

Joab aanaal Abisai le nan ye “Piitaakpaam Na” aayidaan. U nan di waakpaatuŋ ton butɔb bijab ikui itaa ni, ki ku bi, le ki kan liyimbil “Piitaa Na” ni.

1 Bibɔrb Aabɔr 18:11

Ubɔr David nan di ipiin ngbaan, ni tikunabr ni salmaa u u nan gaa Edom, ni Moab, ni Amonn, ni Filistia, ni Amalek yaab chee na, tii Uwumbɔr.

1 Bibɔrb Aabɔr 18:13

U nan kaan kaan butɔb aajab Edom aatim mɔmɔk ni, le Edom yaab kpaln Ubɔr David aatutum. Uwumbɔr nan tii David linyaŋ, ni kookoo.

1 Bibɔrb Aabɔr 19:11

le ki di bi gur na tii unaal Abisai, le u mu di bima ngbaan lul sil toŋ Amonn yaab.

1 Bibɔrb Aabɔr 2:16

U nan ki ma mpiibim mulee mu. Baayimbil le nan ye Seruya, ni Abigail. Jese aabisal Seruya nan ma mbijabim mutaa la. Bima le nan ye Abisai, ni Joab, ni Asahel.

2 Bibɔrb Aabɔr 25:11

Amasia nan ŋa lipobil le ki loln waajab pu nsan buen N‑yaan Aafataŋ ni. Nima chee, le bi nan to butɔb ki ku Edom aajab ŋichur kipiik,

Ilahn 60:1

Uwumbɔr, aa yii timi, le ki nyaŋ timi; aa nan gee liŋuul ti pu, dandana ma kan, gir gaa timi.

Ilahn 60:2

Aa cha kitiŋ jii, le ki cha ki gii ki taa nween; dandana ma kan, toor ki, ba pu? ki bi lir la.

1 Samuel 26:6

Le David baa Ahimelek, u ye Hef aanii na, ni Abisai u ye Joab aanaal aan bina ye Seruya na ke, “Ni ponn ni bilee bee, ŋma ga dii mi buen Sɔɔl ni waajab chee?” Le Abisai bui ke, “Min le ga buen.”

1 Samuel 26:8

Le Abisai bui David ke, “Uwumbɔr di saadin ŋa aaŋaal ni kinyeek kee. Cha m di ubaa aakpaatuŋ saa u tam kitiŋ nfum mubaa, maan ban muleler.”