1 Bibɔrb Aabɔr 18:11 - Uwumbɔr aagbaŋ

¹¹ Ubɔr David nan di ipiin ngbaan, ni tikunabr ni salmaa u u nan gaa Edom, ni Moab, ni Amonn, ni Filistia, ni Amalek yaab chee na, tii Uwumbɔr.

1 Bibɔrb Aabɔr 18:11 ပူးပေါင်းရင်းမြစ်များ

1 Bibɔrb 7:51

Ubɔr Solomonn aah nan doo Uwumbɔr Aadichal ni aatuln mɔmɔk na, le u di tiwan ni mɔmɔk ute David nan di tii Uwumbɔr na ŋa Lidichal ngbaan aawan aadir ponn ni. Nima le ye tikunabr, ni salmaa, ni tiwan niken na.

2 Bibɔrb 12:18

Ubɔr Joas nan yoor ipiin i mɔmɔk Jehosafat, ni Jehoram, ni Ahasia bi nan puen u ki jin jin nnaan na nan di tii Uwumbɔr na, ni u mu ubaa aah nan tii Uwumbɔr i na, ni salmaa u mɔmɔk nan bi Uwumbɔr Aadichal ni, ni libɔrdichal ni na, le ki di ni mɔmɔk tun ti tii Ubɔr Hasael ipiin; le u di waajab siir cha Jerusalem aatiŋ kaa ki tak ki.

1 Bibɔrb Aabɔr 18:10

Kina pu le u nan tun ujapɔɔn Joram ke u ti doon ki pak Ubɔr David waah nyaŋ Hadadeser, u ni uma Toi faa tɔb butɔb sakpen na pu. Joram nan joo salmaa, ni tikunabr, ni tikumann aapiin ti tii David.

1 Bibɔrb Aabɔr 18:12

Abisai, u aana nan ye Seruya na nan ti nyaŋ Edom yaab ki ku baajab ŋichur kipiik ni ŋiniin, kifataŋ ki bi yin ki ke N‑yaan Aafataŋ na ni.

1 Bibɔrb Aabɔr 22:14

Uwumbɔr Aadichal ngbaan pu, m pɔɔn mbaa ki kan salmaa u aanyunyuun ga pii ndibim bɔtɔ ŋichur ŋiniin na, ki kan tikunabr ti mu aanyunyuun ga pii bɔtɔ ŋichur ikui iniin na, ke bi di maa li. Ki kpee nee pu na, tikumann ni tikur ti kaa kpa nkahm na mu bi. Ŋitakpal ni idɔ mu bi, tɔ, aa mu tee ga ban tiwan kpee ni pu.

1 Bibɔrb Aabɔr 26:20

Biŋeen aatɔtiib Liifai yaab biken nan yeh ŋimombil ni tijikaar aadir ti bi joo ipiin i bi di tii Uwumbɔr na aatun.

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

2 Bibɔrb Aabɔr 5:1

Ubɔr Solomonn aah nan tun Uwumbɔr Aadichal aatuln doo na, le u di tikunabr, ni salmaa, ni tiwan niken ni mɔmɔk ute David nan di tii Uwumbɔr na ŋa Uwumbɔr Aadichal aawan aadir ni.

Nnyam 35:5

Tiin Uwumbɔr ipiin man. Unii umɔk ban u ŋa kina na kan, u li joo ni salmaa, ni tikunabr, ni tikumann,

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Josua 6:19

Tiwan nimɔk bi di tikunabr, bee salmaa, bee tikumann, bee tikur ŋa ni na, ni di ni nan tii Uwumbɔr. Ni di tiwan ngbaan mɔmɔk ki di ŋa Uwumbɔr Aabool ni.”

Josua 6:24

Bi nan see kitiŋ ngbaan, le mmii nan gaa tiwan nimɔk nan bi ki ponn ni na, see tiwan ni bi nan di salmaa, ni tikunabr, ni tikumann, ni tikur ŋa ni na, le bi nan yoor buen ti ŋa Uwumbɔr Aabool ni.

1 Samuel 30:13

David nan baa u ke, “Saaninkpel ye ŋma? Aa nyan ni la chee?” Le unachipɔɔn ngbaan bui u ke, “M ye Ijipt aanii la, ki ye Amalek aaninkpel ubaa aanaagbiija. Iwiin itaa i jer na le maaninkpel nan buen cha mi; ba pu? m nan bun la.

1 Samuel 30:20

U nan ki kan ipiih ni inaa na mɔmɔk; le waajab nan peer tiwakor ngbaan loln nsan ki bui ke, “David yeh nee mɔmɔk.”