1 Bibɔrb Aabɔr 16:42 - Uwumbɔr aagbaŋ

⁴² Hemann ni Jedutunn le nan ye bi pii kakaan tiib, ki yak ichayakrtuun ni tiwangbaakaan niken na, n‑yoonn mu bi gaa kipak aalahn na. Jedutunn aataŋaal pu yaab le nan ye bi kiir ibisamɔi na.

1 Bibɔrb Aabɔr 16:42 ပူးပေါင်းရင်းမြစ်များ

1 Bibɔrb Aabɔr 15:17

Bi nan nyan bilahngaab aataŋaal ni, binib bimina le ke bi li yak tikumann aachayakrtuun: Joel aajapɔɔn Hemann, ni udo yoo Berekia aajapɔɔn Asaf, ni Kusaya, u nyan ni Merari aataŋaal pu na aajapɔɔn Etann. Bi nan lee Liifai yaab bimina le ke bi li gbaa tibar ti aaneel pɔɔ na ki ter bi. Bima le ye Sekaria, ni Jaasiel, ni Semiramof, ni Jehiel, ni Uni, ni Eliab, ni Maaseya, ni Benaya. Baah nan lee bi mu ke bi li gbaa tibar ti aaneel diin na sɔ: Matitia, ni Elifelehu, ni Mikneya, ni Asasia, ni Uwumbɔr Aadichal aakikiib ponn ni bilee, Obed Edom ni Jeyel.

1 Bibɔrb Aabɔr 25:3

Jedutunn aajapɔtiib biloob bimina; Gedalia, ni Seri, ni Jesaya, ni Simei, ni Hasabia, ni Matitia. Bite le nan lolni bi pu nsan le bi mooni Uwumbɔr aabɔr ki gbaa tibar, ki gaa ilahn, ki pak ki dooni Uwumbɔr.

2 Bibɔrb Aabɔr 7:6

Bitotoorb nan sil baabuul ni, le Liifai yaab mu sil baabuul ni ki lik ni bitotoorb, ki joo Ubɔr David aah nan di tiwangbaakaan ni tii bi na pak Uwumbɔr ki gaa nlahn David aah nan mɔk bi pu na ke, “Waageehm aa kpa ndoon.” Bitotoorb nan pii kakaan tiib, le binib ngbaan mɔk nan si.

Ilahn 84:10

M yaa bi Saadichal ponn ni nwiin mubaa kan, ni ŋan jer ke m li bi nibaa chee iwiin lichur; m yaa si Maawumbɔr Aadichal aabisamɔb kan, ni soor ni ke m li koo bibiindam do.