1 Bibɔrb Aabɔr 16:4 - Uwumbɔr aagbaŋ

⁴ David nan nyan Liifai yaab bibaa ke bi li gaa ilahn ki pak Israel yaab Aadindaan Uwumbɔr, Nkaal Aadakaa ngbaan aanimbiin ni, waadoon yoonn.

1 Bibɔrb Aabɔr 16:4 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

1 Bibɔrb 8:15

U nan bui ke, “Pak Israel yaab Aadindaan Uwumbɔr man. U joo tipuur ti u nan puu tii nte David ke,

1 Bibɔrb Aabɔr 15:16

David nan tuk Liifai yaab aasalolm ke bi yakr Liifai yaab biken ki cha bi li gaa ilahn i mɔ na, ki gbaa tibar, ki yak ichayakrtuun.

1 Bibɔrb Aabɔr 16:3

le ki yakr tijikaar tii bi mɔmɔk. U nan tii Israel aaja ni upii mɔmɔk liboroboro kpiln, ni linankpiln, ni ŋisubikuun.

1 Bibɔrb Aabɔr 16:5

U nan lee Asaf le u li ye usaloln, le Sekaria paa u pu. Jeyel, ni Semiramof, ni Jehiel, ni Matitia, ni Eliab, ni Benaya, ni Obed Edom, ni Jeyel le nan gbaa tibar. Le Asaf yak ichayakrtuun,

1 Bibɔrb Aabɔr 16:8

Di idoon tii Uwumbɔr, moon waah kpa mpɔɔn pu na man; bui ŋitimbol waah tun ŋitun ŋi na man.

1 Bibɔrb Aabɔr 24:3

Ubɔr David nan kuun Aaronn aayaabitiib ŋigetek ŋigetek baatun aah ye pu na la. Eleasar aayaabil Sadok, ni Itamar aayaabil Ahimelek le nan ter u lituln ngbaan ni.

1 Bibɔrb Aabɔr 25:1

Ubɔr David ni Liifai yaab aasalolm le nan lee Liifai aataŋaal imina ke i li lolni nsan Uwumbɔr aadoon ni; bima le nan ye Asaf, ni Hemann, ni Jedutunn. Baatuln le nan ye ke bi moon Uwumbɔr aabɔr, ki gbaa tibar ki yakr ichayakrtuun. Binib bi bi nan lee ke bi li lolni nsan idoon ni na, ni baatuln aah ye pu na sɔ:

1 Bibɔrb Aabɔr 6:31

Baah nan yoor Uwumbɔr Aakaal Aadakaa di buen Jerusalem ponn ni na, bijab bimina le Ubɔr David nan cha bi ye bilahngaab ni biwangbaab nin chee bi dooni Uwumbɔr Jerusalem ni na.

Esra 3:10

Bijab ngbaan aah nan piin ki bi bilni Uwumbɔr Aadichal aadinyikl aatakpal na, le bitotoorb di baawanpeenkaan peen, le ki joo kakaan tiib biŋaal ni, ki sil baasisiiyaan chee, le Asaf aataŋaal yaab bi ye Liifai yaab na mu yoor baachayakrtuun. Bi nan gaa ilahn ki pak Uwumbɔr, Ubɔr David aayoonn aakaal aah nan mɔk pu na.

Nehemia 12:24

Hasabia, ni Serebia, ni Jesua, ni Binui, ni Kadmiel le nan yakr Liifai yaab ŋigetek, ŋigetek, le bi tun Uwumbɔr Aadichal ponn ni aatuln. Ŋigetek ŋilelee le nan kpaani ki pak Uwumbɔr ki dooni u, ke Uwumbɔr aanii, Ubɔrkpaan David aah nan mɔk ke bi li dooni u pu na.

Ilahn 103:2

M joo nsui mɔmɔk pak Uwumbɔr la, kaan suln waah ŋa mi tiŋann pu na.

Ilahn 105:5

Nimi waatutunn Abraham aayaabitiib, nimi bi ye Jakob aayaabitiib bi u nyan bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

Ilahn 106:48

Pak Uwumbɔr u ye Israel yaab Aadindaan na man; li pak u dandana, ni n‑yoonn mu kaa kpa ndoon na. Cha unii mɔmɔk len ke, “Amii”. Pak Uwumbɔr man.

Ilahn 37:1

Taa cha bibiindam aabɔr muk si; taa li kpa lipiipoln binib bi tun taani na pu.

Ilahn 70:1

Uwumbɔr, gaa mi lii, ter mi dandana wee.

Ilahn 72:18

Pak Uwumbɔr u ye timi Israel yaab Aadindaan na. Uma baanja le tun ŋitusakpiin ngbaan.