1 Bibɔrb Aabɔr 16:35 - Uwumbɔr aagbaŋ

³⁵ Ni bui u ke, “Uwumbɔr, timi Aaŋmaŋmardaan, gaa timi lii; kuun timi nan kpaan, ki nyan ni timi ŋitimbol ni, aan ti ga li kpa idoon ki pak saayimbil li bi chain na.”

1 Bibɔrb Aabɔr 16:35 ပူးပေါင်းရင်းမြစ်များ

Ilahn 105:45

aan ni cha bi kii waamɔb ki li joo waakaal. Pak Uwumbɔr man.

Ilahn 14:7

Maameel le ye ke linyaŋ nya ni Sionn pu ki dan Israel yaab chee. Uwumbɔr yaa ki cha Israel yaab ki ŋa biwankpadam kan, ba aapopiin aan bi ga li kpa na.

Ilahn 44:8

Ti ga pak si n‑yoonn mɔmɔk, ki li dooni si ki ti saa n‑yoonn mu kaa kpa ndoon na.

Ilahn 53:6

M mee Uwumbɔr ke linyaŋ ga nya ni Sionn ki dan Israel yaab chee. Uwumbɔr yaa tii Israel yaab nkam kan, bi ga li kpa mpopiin sakpen.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 45:25

Min Uwumbɔr ga gaa Israel aayaabitiib mɔmɔk lii, le bi ga tii mi kipak.

Lituln 26:17

M ga nyan si Juu yaab aaŋaal ni, ni binib bi kaa ye Juu yaab na aaŋaal ni, ki cha aa buen bi chee,

1 Korenti 1:31

Nima pu na, ni li ŋani naah ŋmee Uwumbɔr Aagbaŋ ponn ni pu na ke, “Unii umɔk ban u li kpa kipupuk na, u li kpa kipupuk Uwumbɔr pu.”

Efesusi 1:12

U nyan timi bi puen kpa limakl Kristo pu na, ke ti li mɔk binib waah ŋan sakpen pu na, aan bi pak u.

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.