1 Bibɔrb Aabɔr 16:26 - Uwumbɔr aagbaŋ

²⁶ Ŋitimbol ŋiken na mɔmɔk aawaa po ye tiwan ni bi naan ni na la, Uwumbɔr le naan paacham.

1 Bibɔrb Aabɔr 16:26 ပူးပေါင်းရင်းမြစ်များ

1 Bibɔrb Aabɔr 16:27

Kipak ni nnaan aapɔɔn le mann goln u; le mpɔɔn ni mpopiin gbii Waadichal ni.

Job Aagbaŋ 9:8

Ubaa aa nan ter Uwumbɔr le u taln kitaapaak; ubaa aa nan ki ter u ke u taa taa nnyusakpem aapeewanbiik na diin nnyun ni.

Ilahn 102:25

n‑yoonn mu jer na le aa nan naan kitiŋ, ki di aabaa aaŋaal naan paacham.

Ilahn 96:5

Ŋitimbol ŋiken na mɔmɔk aawaa po ye tiwan ni bi naan ni na la, le Uwumbɔr naan paacham.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Lituln 19:26

Pɔɔl mu bi bii timi aatuln la. Ni kan aa? Ni ŋun waah len pu na. U len ke ŋiwaa ŋi binib mɔɔ ŋi na aa ye nibaa. Binib bi bi Efesus aatiŋ ni do, ni Asia aapepel mɔmɔk ponn ni na pam pak waah len pu na, kaa ki dii ŋiwaa.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

Tibɔkpiirkaan 14:7

Le Uwumbɔr aatuun ngbaan len mpɔɔn pu ke, “Ni li san Uwumbɔr, ki nyuŋ u man; ba pu? ni ŋeer u ji binib tibɔr. Ni li pak Uwumbɔr u nan naan paacham, ni kitiŋ, ni nnyusakpem, ni nnyun mɔmɔk na.”