1 Bibɔrb Aabɔr 16:14 - Uwumbɔr aagbaŋ

¹⁴ Uwumbɔr le ye Tidindaan, waakaal ye dulnyaa wee mɔmɔk aakaal la.

1 Bibɔrb Aabɔr 16:14 ပူးပေါင်းရင်းမြစ်များ

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

1 Bibɔrb Aabɔr 16:12

Nimi waatutum Jakob aayaabitiib, nimi Israel aayaabitiib, bi Uwumbɔr lee bi na, teer Uwumbɔr aah tun lijinjiir aatun ŋi na, ni waah nan jin binib tibɔr pu na man.

1 Bibɔrb Aabɔr 16:15

Taa suln Uwumbɔr aah puu tipuur ti aan taa kpa ndoon na bɔr,

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 118:28

Aa ye Maawumbɔr la, le m dooni si, m ga moon saah kpa mpɔɔn pu na.

Ilahn 63:1

Uwumbɔr, sin le ye Maawumbɔr, le m neen si. Nsui, ni nwon mɔmɔk ban si ke kitiŋ ki kuur, ki laa itiween, kaa kpa nnyun na aah ban nnyun pu na la.

Ilahn 95:7

Uma le ye timi Aawumbɔr; timi le ye binib bi u lik ti pu na, ki ye binib bi u tii bi tiwan na. Li pel man waah len pu din wee na;

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Aisaya 26:9

Maah gee si pu na, m wii kinyeek ki ban si; aa yaa ji kitiŋ kee ni kaanib tibɔr kan, bi ga bae ibamɔn aah ye pu na.