1 Bibɔrb Aabɔr 15:3 - Uwumbɔr aagbaŋ

³ David nan kuun Israel aanib mɔmɔk dan Jerusalem ni, ke bi ti yoor Uwumbɔr Aakaal Aadakaa kunn ni udo.

1 Bibɔrb Aabɔr 15:3 ပူးပေါင်းရင်းမြစ်များ

2 Samuel 6:12

Ubɔr David nan ŋun ke Nkaal Aadakaa ngbaan pu le Uwumbɔr ŋa tinyoor ŋa Obed Edom aadichal, ni waah kpa nimɔk na pu; le u buen ti yoor Nkaal Aadakaa ngbaan Obed Edom do, ke u di buen Jerusalem ponn ni, ki mɔɔni.

2 Samuel 6:17

Bi nan joo ni Dakaa ngbaan, le ki nan di siin David aah ŋa likekeln aabool li siin Dakaa ngbaan pu na ponn ni. Le u toor kitork ki bi see mmii ni na, ni kimɔbaan aatork tii Uwumbɔr.

1 Bibɔrb 8:1

Ubɔr Solomonn nan yin Israel aanibol, ni itaŋaal aasalolm mɔmɔk, ke bi kuun ni Jerusalem aatiŋ ni, ki nan yoor Uwumbɔr Aakaal Aadakaa nya David aatiŋ Sionn ni, ki di buen Uwumbɔr Aadichal ni.

1 Bibɔrb Aabɔr 13:2

Nee aapuwɔb le u bui Israel aanib mɔmɔk ke, “Ni yaa kii aan ni ye Tidindaan Uwumbɔr aageehn kan, ni cha ti tun timi aatiŋ aanib mɔmɔk, ni bitotoorb ni Liifai yaab chee baatim ni, ke bi kuun dan ti chee do.

1 Bibɔrb Aabɔr 13:5

David nan kuun Israel aanib litingbaln ngbaan mɔmɔk pu. U nan kuun bi nyan ni ŋŋangii wɔb, Ijipt aatinaanmɔk ki di ti saa Hamaf Aasan mu bi ŋŋangan wɔb na, ke bi ti yoor Uwumbɔr Aakaal Aadakaa, Kiriaf Jearim aatiŋ ni ki di giin Jerusalem ni.

1 Bibɔrb Aabɔr 15:1

David nan maa ubaa aadichal baah yin nin chee ke David Aatiŋ na. U nan ki toor nin chee Uwumbɔr Aakaal Aadakaa ga li si na, le ki ŋa libool ke u di u siin li ponn ni,

1 Bibɔrb Aabɔr 15:12

U nan bui Liifai yaab ngbaan ke, “Nimi le ye Liifai aataŋaal aasalolm. Toor nibaa ni niŋeen aatɔtiib Liifai yaab biken, aan ki ŋmaa yoor Israel yaab Aadindaan Uwumbɔr Aakaal Aadakaa nan siin maah toor libuul li tii u na.

1 Bibɔrb Aabɔr 16:1

Bi nan di Uwumbɔr Aakaal Aadakaa ngbaan ti siin libool li ponn ni David nan ŋa siin na. Bi nan toor kitork ni kimɔbaan aatork tii Uwumbɔr.

2 Bibɔrb Aabɔr 1:2

Ubɔr Solomonn nan di limɔboln tii butɔb aajab aaninkpiib bi lik bijab lichur lichur pu na, ni bi lik bijab nkub nkub pu na, ni Israel aaninkpiib mɔmɔk, ni bidichadam mɔmɔk, ni Israel aanib bi gur na mɔmɔk,

2 Bibɔrb Aabɔr 1:4

Tɔ, Uwumbɔr Aakaal Aadakaa ma nan bi Jerusalem ponn ni, libool li ni Ubɔr David nan ti yoor ni Dakaa ngbaan Kiriaf Jearim ki nan di siin na ponn ni.

2 Bibɔrb Aabɔr 5:2

Le Ubɔr Solomonn yin Israel aanibol ni itaŋaal aasalolm mɔmɔk ke bi kuun ni Jerusalem ni, ki nan yoor Uwumbɔr Aakaal Aadakaa nya David Aatiŋ Sionn ni, ki di buen Uwumbɔr Aadichal ni.

Nnyam 40:20

Le u di ŋitakpapapan ŋilee na ki di ŋa Uwumbɔr Aakaal Aadakaa ni. U nan di ŋidabil na ki di bɔn ibuen i dab baa dakaa ngbaan pu na, li ki di waabiil biin u pu.

Liifai Yaab 9:5

Le bi nan joo ni tiwan nimɔk Moses nan tuk bi ke bi li joo ni na, le binib mɔmɔk nan kuun dan Libool ngbaan aabisamɔb chee, bi nan doon Uwumbɔr.