1 Bibɔrb Aabɔr 15:29 - Uwumbɔr aagbaŋ

²⁹ Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni ki kan Ubɔr David aah bi yukr ki waa liwaal mpopiin pu pu na, le u lik seen u usui ni.

1 Bibɔrb Aabɔr 15:29 ပူးပေါင်းရင်းမြစ်များ

2 Samuel 6:16

Baah joo Dakaa ngbaan bi di koo ni kitiŋ ngbaan ponn ni buyoonn na, le Sɔɔl aabisal Mikal lik takolu ni, ki kan Ubɔr David aah bi yukr ki waa liwaal tii Uwumbɔr pu na, le u lik seen u usui ni.

1 Bibɔrb Aabɔr 15:28

Kina le Israel yaab mɔmɔk nan di Nkaal Aadakaa ngbaan buen Jerusalem ponn ni, ki tar mpopiin pu, ki pii kakaan, ni ikpiin, ki yak ichayakrtuun, ki gbaa tibar.

1 Bibɔrb Aabɔr 17:1

Ubɔr David nan gur kaa waabɔrdichal ni la. Daalbaadaal le u nan tun ti yin ni Uwumbɔr aabɔnabr Natann ki nan bui u ke, “Min le ka do, lidichal li bi di santina aadɔ maa li na ponn ni na, le Uwumbɔr Aakaal Aadakaa tee bi igban aabool ponn ni.”

Ilahn 149:3

Li waa liwaal pak waayimbil man; di ŋigangan ni tibar pak u man.

Ilahn 150:4

Di ŋigangan ki waa liwaal pak u man. Di tibar ni kulufeeŋ mam pak u man.

Ilahn 30:11

Aa kpeln maasuubiin ŋa mpopiin aawaal; aa chuu nyan maasuubiin m chee, ki di mpopiin gob mi.

Nnyam 15:20

Uwumbɔr aabɔnabpii Miriam, u ye Aaronn aaninkpan na nan yoor waachayakrtuun, le bipiib mɔmɔk mu yoor baachayakrtuun ki dii u ki waa liwaal,

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Jeremia 3:16

Le ni yaa nan wiir kitiŋ ngbaan pu kan, binib aan ki len Maakaal Aadakaa bɔr. Baan ki len waabɔr, kaan ki teer u bɔr; baan ki li ban u, kaan ki ŋa uken teen waabuul ni.

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Nkahm 10:33

N‑yoonn mu Israel yaab nan nyan Uwumbɔr Aajool Sainai chee na, bi nan chuun iwiin itaa la. N‑yoonn mɔmɔk Uwumbɔr Aakaal Aadakaa le bi nan joo lolni nsan, le u mɔk bi baah ga kal nin chee na.

Lituln 2:13

Le bibaa mu ŋani bi mbɔnyun ki bui ke bi nyun ndaan le ki gbii.

1 Korenti 2:14

Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

2 Korenti 5:13

Bi yaa len ke ti waar kan, Uwumbɔr pu le ti bi kina. Ti yaa kpa laasaab kan, ni pu le ti kpa, ke ti ter nimi.

Ikaal 31:26

“Yoor man kigbaŋ ki Uwumbɔr Aakaal bi ki ponn ni na, ki di bil gbaŋ Nidindaan Uwumbɔr Aakaal Aadakaa, aan ki li bi nima ki ye seeraa ki tii waanib.

Hiibru Yaab 9:4

Salmaa aatork aabimbiln nan bi ni ponn ni. Libimbiln ngbaan paab le bi seer tulalee aayon tii Uwumbɔr. Uwumbɔr aakaal aah nan bi dakaa u ponn ni na, mu nan bi ni ni. Bi nan di salmaa aakur le biin dakaa ngbaan pu. Tijikaar ti bi yin ti ke mana na, nan bi salmaa aasambil ponn ni, dakaa ngbaan ponn ni. Aaronn aadabil li nan ŋeen nsupuun na mu nan bi u ponn ni. Uwumbɔr aakaal aah nan ŋmee ŋitakpapapan ŋilee ŋi pu na, mu nan bi u ponn ni.

Josua 4:7

ni tuk bi ke bundaal bi nan di Uwumbɔr Aakaal Aadakaa koo sil Jɔɔdann Aamɔɔl ni na, limɔɔl ngbaan aanyun nan sil kaa ki puu. Ŋitakpal ŋee le ga li teer Israel yaab tiwan ni nan ŋa do na, n‑yoonn mɔmɔk.”

Bibɔjirb 20:27

N‑yaayoonn ngbaan Uwumbɔr Aakaal Aadakaa nan laa bi Betel aatiŋ ni nima chee, le Eleasar aajapɔɔn Fineas u aayaaja ye Aaronn na, nan lik u. Binib ngbaan nan baa Uwumbɔr ke, “Ti ki gir ti faa tinaabitiib Benjaminn yaab butɔb aan ti di cha?” Uwumbɔr nan gar bi ke, “Ti jan man. M ga fe tii nimi linyaŋ bi pu fen.”

1 Samuel 25:44

N‑yoonn mue na, Sɔɔl nan di ubisal Mikal, u nan ye David aapuu na tii Lais aajapɔɔn Palti, u nyan ni Galim aatiŋ ni na.

1 Samuel 4:3

Bijab bi nan ŋmar na aah nan fuu ni baah nan tiŋ ka nin chee na, le Israel aayidam bui ke, “Ni ŋa kinye aan Uwumbɔr cha Filistia yaab ngbaan nyaŋ timi din wee? Cha ti buen Silo man, ki ti yoor ni Uwumbɔr Aakaal Aadakaa, aan u dii timi buen ki ti gaa timi lii timi aadim chee.”