1 Bibɔrb Aabɔr 15:26 - Uwumbɔr aagbaŋ

²⁶ Bi nan kɔr inaaja ilole, ni ipiih ilole, Uwumbɔr aah ter Liifai yaab bi tu Nkaal Aadakaa ngbaan na pu na.

1 Bibɔrb Aabɔr 15:26 ပူးပေါင်းရင်းမြစ်များ

2 Samuel 6:13

Bijab bi nan tu Uwumbɔr Aakaal Aadakaa ngbaan na aah nan yoor ŋitaa ti pii ŋitaa ŋiloob na, le David cha bi sil, le u di unaaja, ni unaabo u bi kpiin u, u filk na, toor kitork tii Uwumbɔr nima.

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Esekiel 45:23

Njim ngbaan aawiin mɔmɔk daal kan, u ga kɔr inaaja ilole, ni ipihja ilole i kaa kpa iween ibaa na tii min Uwumbɔr, ki di i see mmii ni imɔn. U ga kɔr uŋoja nwiin mɔk aan u li ye titunwanbir aatork.

Nkahm 23:29

Le Balaam ki bui u nima chee mu ke, “Maa kitork aabimbin ŋilole tii mi, ki li joo ni inaaja ilole, ni ipihja ilole, m toor kitork.”

Nkahm 29:32

Winlole daal kan, ni ban inaajabi ilole, ni ipihja ilee, ni libiln libaa aapihjabi kipiik ni inaa, i mɔmɔk taa li kpa iween, ki li ŋan chain, ki toor kitork tii Uwumbɔr.

Lituln 26:22

Le Uwumbɔr mu ter mi n‑yoonn mɔmɔk ki nan saa din, ki cha m si do, ki ye waaseeraadaan, ki tuk binib aabɔŋ mɔmɔk waabɔr. M po tuk bi Uwumbɔr aabɔnabtiib ni Moses aah nan len pu na. Bi nan len tiwan ni ga nan ŋa na,

2 Korenti 3:5

Taa len ke ti ga ŋmaa ŋa nibaa tibaa aapɔɔn pu. Timi aapɔɔn nyan ni Uwumbɔr chee la.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”