1 Bibɔrb Aabɔr 15:15 - Uwumbɔr aagbaŋ

¹⁵ Liifai yaab ngbaan nan tun u idɔ pu, bibɔgbin pu, ke Uwumbɔr aah nan mɔk Moses pu na.

1 Bibɔrb Aabɔr 15:15 ပူးပေါင်းရင်းမြစ်များ

2 Samuel 6:12

Ubɔr David nan ŋun ke Nkaal Aadakaa ngbaan pu le Uwumbɔr ŋa tinyoor ŋa Obed Edom aadichal, ni waah kpa nimɔk na pu; le u buen ti yoor Nkaal Aadakaa ngbaan Obed Edom do, ke u di buen Jerusalem ponn ni, ki mɔɔni.

2 Samuel 6:13

Bijab bi nan tu Uwumbɔr Aakaal Aadakaa ngbaan na aah nan yoor ŋitaa ti pii ŋitaa ŋiloob na, le David cha bi sil, le u di unaaja, ni unaabo u bi kpiin u, u filk na, toor kitork tii Uwumbɔr nima.

1 Bibɔrb 8:8

Unii yaa nan si Chain Chain Aapepel ngbaan aanimbiin ni kan, le u ga li waa idɔ ngbaan aajuu aah kpii ni pu na, naa ye kina kan, saan li waa i. Idɔ ngbaan beenin bi nima din wee.

1 Bibɔrb Aabɔr 13:10

Libuul ngbaan ni, le Uwumbɔr aaŋuul fii Usa pu, le u ku u, waah meeh dakaa ngbaan pu na. U nan kpo Uwumbɔr aanimbiin ni, nima chee la.

2 Bibɔrb Aabɔr 5:9

Unii yaa nan si Chain Chain Aapepel ngbaan aabisamɔb chee kan, le u ga li waa idɔ ngbaan aajuu aah kpii ni pu na, naa ye kina kan, saan li waa i. Idɔ ngbaan beenin bi nima din wee.

Nnyam 40:20

Le u di ŋitakpapapan ŋilee na ki di ŋa Uwumbɔr Aakaal Aadakaa ni. U nan di ŋidabil na ki di bɔn ibuen i dab baa dakaa ngbaan pu na, li ki di waabiil biin u pu.

Nkahm 4:15

Ni yaa ti ŋeer buyoonn ni ban ni fii buen nibaa chee, aan Aaronn ni ujapɔtiib yaa poo poo tiwan nimɔk m ŋa ni chain na doo na kan, Kohaf aataŋaal ni aanib le ga yoor tiwan ngbaan mɔmɔk tun. Kohaf aataŋaal ni aanib taa meeh tiwan nimɔk m ŋa ni chain na, bi yaa meeh ni kan, bi ga kpo. “Bi yaa ti ber Maabool n‑yoonn mu na kan, Kohaf aataŋaal ni aanib aatuln le na.

Nkahm 7:9

Moses aa nan tii Kohaf yaab tɔroku ni inaaja, ba pu? bima nan joo tiwan nimɔk nan bi chain na buŋni bibɔgbin pu la.

Ikaal 10:8

Baah nan bi lijool ngbaan chee na, le Uwumbɔr nan nyan Liifai aanibol ke bi li lik Nkaal Aadakaa ngbaan, ki li tun bitotoorb aatuln tii u, ki li joo waayimbil ŋani tinyoor ŋani waanib pu. Liifai yaab laa beenin tun lituln ngbaan ki nan saa din wee.