1 Bibɔrb Aabɔr 15:12 - Uwumbɔr aagbaŋ

¹² U nan bui Liifai yaab ngbaan ke, “Nimi le ye Liifai aataŋaal aasalolm. Toor nibaa ni niŋeen aatɔtiib Liifai yaab biken, aan ki ŋmaa yoor Israel yaab Aadindaan Uwumbɔr Aakaal Aadakaa nan siin maah toor libuul li tii u na.

1 Bibɔrb Aabɔr 15:12 ပူးပေါင်းရင်းမြစ်များ

1 Bibɔrb Aabɔr 15:1

David nan maa ubaa aadichal baah yin nin chee ke David Aatiŋ na. U nan ki toor nin chee Uwumbɔr Aakaal Aadakaa ga li si na, le ki ŋa libool ke u di u siin li ponn ni,

1 Bibɔrb Aabɔr 15:14

Le bitotoorb ni Liifai yaab ngbaan toor bibaa ke bi ti yoor Israel yaab Aadindaan Uwumbɔr Aakaal Aadakaa.

1 Bibɔrb Aabɔr 15:3

David nan kuun Israel aanib mɔmɔk dan Jerusalem ni, ke bi ti yoor Uwumbɔr Aakaal Aadakaa kunn ni udo.

1 Bibɔrb Aabɔr 16:1

Bi nan di Uwumbɔr Aakaal Aadakaa ngbaan ti siin libool li ponn ni David nan ŋa siin na. Bi nan toor kitork ni kimɔbaan aatork tii Uwumbɔr.

1 Bibɔrb Aabɔr 24:31

Udichadaan mɔk ni unaatiib ponn ni ubaa le nan too inaan ki gaa baatuln, ke bido yaab bi ye bitotoorb ki ye Aaronn aayaabitiib na aah nan ŋa pu na. Ubɔr David, ni Sadok, ni Ahimelek, ni bitotoorb ni Liifai yaab aadichadam le nan ye biseeraadam.

1 Bibɔrb Aabɔr 9:34

Bijab bi aayimbil ŋmee paacham na nan ye Liifai aanibol aadichadam la. Baayimbil dii yaaja yaaja la. Bima le nan ye bisalolm bi koo Jerusalem ponn ni na.

2 Bibɔrb Aabɔr 1:2

Ubɔr Solomonn nan di limɔboln tii butɔb aajab aaninkpiib bi lik bijab lichur lichur pu na, ni bi lik bijab nkub nkub pu na, ni Israel aaninkpiib mɔmɔk, ni bidichadam mɔmɔk, ni Israel aanib bi gur na mɔmɔk,

2 Bibɔrb Aabɔr 1:4

Tɔ, Uwumbɔr Aakaal Aadakaa ma nan bi Jerusalem ponn ni, libool li ni Ubɔr David nan ti yoor ni Dakaa ngbaan Kiriaf Jearim ki nan di siin na ponn ni.

2 Bibɔrb Aabɔr 30:15

Uŋmal ngbaan aawiin kipiik ni inaa daal le bi nan kɔr Lakr‑jer aatork aapihbi. Bitotoorb ni Liifai yaab bi nan kpa tijɔŋ baatuln chee na nan jin inimɔɔn sakpen le ki toor bibaa chain, le ki nin ŋmaa toor kitork ki bi joo seer mmii ni na Uwumbɔr Aadichal ponn ni.

2 Bibɔrb Aabɔr 35:6

Nimi le ga kɔr Lakr‑jer Aajim aapiih ni iŋoob. Tɔ, toor nibaa man ki gor kitork ngbaan aan niŋeen aatɔtiib Israel yaab ŋmaa dii mmɔkm mu Uwumbɔr nan di tii Moses na.”

2 Bibɔrb Aabɔr 5:11

Bitotoorb ngbaan mɔmɔk, baa nan ki dii ke wee nyan do bee do, nan toor bibaa. Liifai aalahngaab ni biwangbaab, Asaf, ni Hemann, ni Jedutunn, ni baataŋaal pu yaab mɔmɔk nan pee ŋitanyaan aawanpeenkaan la. Liifai yaab ngbaan nan sil kitork aabimbiln ngbaan aawipuul wɔb, ki joo ichayakrtuun ni tibar, ki di kpee bitotoorb nkub ni moninko bi pii kakaan tiib na pu. Bilahngaab nan gaa, le binib bi pii kakaan tiib na, ni binib bi yikr ichayakrtuun na, ni bi gbaa tiwangbaakaan niken na joo kenni bi. Bi nan gaa ilahn ki pak Uwumbɔr ke: “Uwumbɔr ŋan, pak u man, waageehm aa kpa ndoon.” Bitotoorb ngbaan aah nan bi nya Uwumbɔr Aadichal ngbaan ponn ni na, libuul ngbaan ni, le ntaalangbam mu wiin ki moor Uwumbɔr aawiihn na gbiin lidichal ngbaan, le baa nan ki ŋmaa doo baatuln ngbaan.

2 Bibɔrb Aabɔr 5:2

Le Ubɔr Solomonn yin Israel aanibol ni itaŋaal aasalolm mɔmɔk ke bi kuun ni Jerusalem ni, ki nan yoor Uwumbɔr Aakaal Aadakaa nya David Aatiŋ Sionn ni, ki di buen Uwumbɔr Aadichal ni.

Nehemia 13:22

M nan cha Liifai yaab toor kitork ki ŋa bibaa chain ki buen ti kii ibisamɔi ngbaan ke bi taa cha unii ubaa koor Likpaakool daal aakoobil. Uwumbɔr, teer mbɔr nimina mu pu, ki san mi kinimbaak, saageehm sakpem pu.

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Esekiel 48:11

Sadok aayaabitiib bi ye bitotoorb na yeh chain aapepel ngbaan. Bima le dii mi mbamɔm, kaa nan ŋmal Israel yaab biken ni, baah nan bi tun mi taani buyoonn na, ke Liifai aanibol liken aah nan ŋa pu na.

Jɔnn 17:17

Ŋa bi chain. Cha saaliin i ye mbamɔn na ŋa bi chain.