1 Bibɔrb Aabɔr 14:1 - Uwumbɔr aagbaŋ

¹ Taya aatiŋ Aabɔr Hiram nan tun ni kitiirk aatuun David chee, ki nan tii ni u santina aadɔ, ni bikpikpiib, ni binib bi kpir ŋitakpal na, ke bi nan maa libɔrdichal tii u.

1 Bibɔrb Aabɔr 14:1 ပူးပေါင်းရင်းမြစ်များ

2 Samuel 7:2

Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

1 Bibɔrb 5:1

Taya aatiŋ Aabɔr Hiram aajɔ le nan ye David. Waah nan ŋun ke Solomonn le nab ute David aanaan pu na, u nan tun bininkpiib u chee.

1 Bibɔrb 5:15

Solomonn nan ki kpa bitutum ŋichur imonko inaa, le bi bi ŋijoo ni ki kpii ŋitakpal, le bitutum ŋichur imonko itaa ni kipiik bi tui ŋitakpal ngbaan,

1 Bibɔrb 5:18

Solomonn aatutum, ni Hiram aatutum, ni bitutum bi nan nyan ni Biblos aatiŋ ni na, le nan toor ŋitakpal ni idɔ i bi ga di maa Uwumbɔr Aadichal na.

1 Bibɔrb 5:6

Kina pu na, tun saatutum Lebanonn aachook ni, aan bi ti gaa santina aadɔ tii mi. Bi ni maatutum le ga li tun, le m ga pa saah ga siin kidaak ki na. Aa nyi ke maatutum aa nyi idɔ aagaam ke saatutum aah nyi pu na.”

1 Bibɔrb Aabɔr 14:2

Kina pu le David nan bee ke Uwumbɔr sil kaan u Israel aanaan, ki bi tii waanaan ngbaan liwangol sakpeln, waanib pu.

1 Bibɔrb Aabɔr 17:1

Ubɔr David nan gur kaa waabɔrdichal ni la. Daalbaadaal le u nan tun ti yin ni Uwumbɔr aabɔnabr Natann ki nan bui u ke, “Min le ka do, lidichal li bi di santina aadɔ maa li na ponn ni na, le Uwumbɔr Aakaal Aadakaa tee bi igban aabool ponn ni.”

1 Bibɔrb Aabɔr 22:2

Ubɔr David nan cha biwɔwɔm bi mɔmɔk bi kitiŋ ngbaan pu na kuun, le u tii bi lituln. Bi ponn ni bibaa le ga nan kpir ŋitakpal ŋi bi ga di ma Uwumbɔr Aadichal na.

2 Bibɔrb Aabɔr 2:2

U nan cha bijab ŋichur imonko itaa ni kipiik le nan chuun ban tiwan ni u ga di maa ŋidichal ngbaan na, le bijab ŋichur imonko inaa bi kpii ŋitakpal. Bijab ŋichur ŋitaa ni ikui iloob le nan lik bitutum ngbaan.

2 Bibɔrb Aabɔr 2:3

Solomonn nan tun Taya aatiŋ aabɔr Hiram chee ki len ke: “M ban ke aa kooh m pu tiwan ke saah nan kooh santina aadɔ tii nte Ubɔr David, buyoonn u nan bi maa waabɔrdichal na.

Esra 3:7

Binib ngbaan nan tii ŋimombil ke bi di pa binib bi kpii ŋitakpal na, ni binib bi lar ki duur ŋikpan na, ki tii tijikaar, ni ndaan, ni olif aakpan ke bi di tun ti kpeln Taya ni Saidonn yaab chee santina aasui, Lebanonn aatiŋ ni. Le bi ga di kina aasugen di deen ni nnyusakpem ni ki nan saa Jopa aatiŋ mɔk. Pesia aabɔrkpaan Sairus le nan tii nsan ke bi ŋa kina mɔmɔk.