1 Bibɔrb Aabɔr 12:8 - Uwumbɔr aagbaŋ

⁸ Gad aanibol ni aajab bi nyi butɔb aabɔr mbamɔm ki kpa ŋiyimbil ki nan buen ti kpee David ni waajab pu, buyoonn u nan bi nteersakpiin ni, nin chee bi nan kii mbamɔm na sɔ. Bi nan ye bijab bi nyi tikpaatunn ni kijaak aapen aabɔr sakpen na la. Binimbil wɔb nan kpa ijawaan ke ichinn na la, le bi ŋmaa san ke lijool paab aapeeman na.

1 Bibɔrb Aabɔr 12:8 ပူးပေါင်းရင်းမြစ်များ

2 Samuel 1:23

Sɔɔl ni Jonatann nan ye binib la, le binib gee bi; baamɔfal ni, bi nan kpaan tɔb chee la, le baakun mu ni, bi ki kpaan tɔb chee; bi nan tun mala mala jer ŋikaagii, le ki pɔɔ jer ichinn.

2 Samuel 17:10

Israel yaab mɔmɔk nyi ke David ye ujakpaan, le waajab mu kpa lipobil, nima pu le uja umɔk kaar kaa san nibaa ke uchinn na, ga san ijawaan.

2 Samuel 2:18

Seruya aajapɔtiib bitaa bimina, Joab, ni Abisai, ni Asahel nan bi nima. Asahel, u ŋmaa san ke upeeman na,

2 Samuel 23:20

Jehoyada, u nyan ni Kabseel na aajapɔɔn Benaya mu le nan ye uja u kpa liyimbil na; u nan tun lipobil aatun pam. U nan ku Moab aapobidam bilee bibaa. Daalbaadaal, u nan koo mbuu ni, nwiin mundaal ŋitaanal nan lir na, ki ti ku uchinn.

1 Bibɔrb Aabɔr 11:16

N‑yoonn ngbaan na, David nan bi ligongoln li bi kii li mbamɔm na le pu, le Filistia aajab bibaa nan ti gaa Betlehem aatiŋ.

1 Bibɔrb Aabɔr 11:22

Jehoyada, u nyan ni Kabseel na aajapɔɔn Benaya mu le nan ye uja u kpa liyimbil na; u nan tun lipobil aatun pam, u nan ku Moab aapobidam bilee bibaa. Daalbaadaal, u nan koo mbuu ni, nwiin mundaal ntaanal nan lir na, ki ti ku uchinn.

1 Bibɔrb Aabɔr 12:16

Bijab nan nyan ni Benjaminn ni Juda aanibol ni, ki buen David aah nan bi nin chee bi kii mbamɔm na.

1 Bibɔrb Aabɔr 12:9

Baaninkpir aah nan paa paa tɔb pu pu na sɔ: Eser, ni Obadia, ni Eliab, ni Mismana, ni Jeremia, ni Atai, ni Eliel, ni Johanann, ni Elsabad, ni Jeremia, ni Makbanai.

2 Bibɔrb Aabɔr 25:5

Ubɔr Amasia nan kuun Juda ni Benjaminn aajab mɔmɔk, baataŋaal pu ŋiker ŋiker, le ki tii bi mɔmɔk bininkpiib. Bininkpiib ngbaan bibaa aajab nan ye lichur lichur, le biken mu joo bijab nkub nkub. Bijab ngbaan mɔmɔk nan ye bijab bi ye ŋibin moninko ki jer na. Bi nan ti saa bijab ŋichur ikui itaa la. Bi nan ye bijab bi bi gann bi na la, le bi nan ŋeer butɔb. Bi nan nyi tikpaatunn ni kijaak aapen aabɔr mbamɔm.

Ŋiyataŋak 28:1

Ubaa yaa kaa san dii ubiindaan kan, u san la, le uninyaan ma kaar ke uchinn na.

Ŋiyataŋak 6:5

Nya gaawɔb ngbaan ni mala ke unyoon, bee upeeyun aah ŋmar ukpan pu na.

Solomonn Aalahn 8:14

Mbɔɔn, dan m chee ke upeeyun na, li san ni ke lipeemanbil aah bi lijool li pu tulalee tiib aasui bi na, aah san pu na.

Jeremia 46:9

Cha itaan ngbaan siir man ki cha itaan aatɔroku mam li san mala mala. Cha bijab ngbaan li cha man. Cha bijab bi joo kijaak aapeln ki nyan ni Kus ni Libia na, ni Lidia aajab bi ŋmaa too sakpen na li cha.’”

1 Samuel 23:14

David nan bɔr nteersakpiin mu duun Sif, ŋigongon aatiŋ ponn ni na la. Sɔɔl nan pɔɔni ubaa n‑yoonn mɔmɔk ke u kan u, le Uwumbɔr aa nan di David ŋa uŋaal ni.

1 Samuel 23:29

David nan siir le ki buen Enn Gedi aapepel, nin chee u nan ti bɔr na.

1 Samuel 24:22

Le David puu tii u ke waan ku bi. Le Sɔɔl gir kun udo, le David ni waajab mu gir buen baah bɔr nin chee na.