1 Bibɔrb Aabɔr 12:40 - Uwumbɔr aagbaŋ

⁴⁰ Binib nan nyan ni Isakar, ni Sebulunn, ni Naftali aanibol ŋi bi ŋŋangan wɔb dandar na, ki joo ni tijikaar ti ye n‑yon, ni ŋikakan, ni ŋisubil ŋi bi den ŋi aan ŋi kuur na, ni ŋisubil aadaan, ni olif aakpan, ibon, ni laakumii tiib, ni tiwakor ti naahn ibon na, ni inaa pu, nan tii bi. Bi nan ki joo ni inaa ni ipiih ke bi nan li kɔr ŋmɔ. Kitiŋ ngbaan mɔmɔk aanib aapopiin mu bi nan kpa na, le bi nan joo mɔk na.

1 Bibɔrb Aabɔr 12:40 ပူးပေါင်းရင်းမြစ်များ

2 Samuel 16:1

David aah sunn lijool ngbaan siib na, le u kpaan kan Mefibosef aatutunn Siba nsan ni. U nan joo ibon i tu ŋiboroboro kpin ikui ilee na, ni ndaan aasubil ŋi kuur na aabon nkub, ni ŋisubil ŋi soon na mu aabon nkub, ni ndaan aalook ki gbii ndaan na.

1 Bibɔrb 1:40

Le bi mɔmɔk dii ni u, ki gir ni, ki tar mpopiin pu, ki pii kulufeeŋ tiib, ki kpa kifuuk ki cha kitiŋ deŋni na.

2 Bibɔrb 11:20

Mmɔɔn le nan ti ban mu ku binib ngbaan mɔmɔk, le kitiŋ ni nan ŋmin chii, ba pu? bi nan ku Atalia libɔrdichal ponn ni.

1 Bibɔrb Aabɔr 12:39

Bi nan ti bi David chee nima ki ti saa iwiin itaa, ki jin tijikaar ni ŋisubil aadaan mu bido yaab nan ŋa tii bi na aajim.

1 Bibɔrb Aabɔr 13:1

Ubɔr David ni waajab bi ye bijab ŋichur ŋichur na aaninkpiib, ni bi ye bijab nkub nkub na aaninkpiib nan kpokl tɔb.

1 Bibɔrb Aabɔr 29:22

Kina pu na, bi nan jin ki nyun Uwumbɔr aanimbiin ni liyaadaal ngbaan, ki nan kpa mpopiin sakpen. Bi nan ki gir moon lelee ke Solomonn le ye ubɔr. Bi nan kaan u nnaan Uwumbɔr aayimbil pu, le ki di Sadok mu ŋa utotoor.

Ŋiyataŋak 11:10

Binib bi aabimbin ŋan na yaa kan nkam kan, kitiŋ ponn ni kpa mpopiin la, le bibiindam yaa kpo kan, mpopiin aafuuk fiir mpɔɔn pu.

Ŋiyataŋak 29:2

Mɔk mi unibamɔnn u bi mpɔɔn ni na, aan m mɔk si ke waanib kpa mpopiin. Mɔk mi ubiindaan u bi mpɔɔn ni na, aan m mɔk si ke waanib kpa mpombiin la.

Hosea 3:1

Le Uwumbɔr nan bui mi ke, “Gir ki ti di ngeehm tii upii u bi ubɔɔn chee na. Aa li gee u ke maah gee Israel aanib pu na, aa mu tee lik kan, bi di bibaa tii ŋiwaa le ki gee ke bi li joo ŋisubil ŋi kuur na tii ŋiwaa ipiin.”

1 Samuel 25:18

Abigail nan ŋa mala ki ban ŋiboroboro kpin ikui ilee, ni ŋisubil aadaan aadabuu ŋilee, ni baah pun ipiih i na iŋmu, ni njikaabim mu bi ken na kuruwaa kipiik ni bilole, ni ndaan aasubil ŋisab nkub, ni ŋisubimɔɔn ŋi dab tɔb na ikui ilee, ki di buu paan ibon pu,