1 Bibɔrb Aabɔr 12:3 - Uwumbɔr aagbaŋ

^3-7 Sema u nyan ni Gibea aatiŋ ni na aajapɔtiib Ahieser ni Joas le nan ye baayidam. Bijab ngbaan aayimbil sɔ: Asmafef aajapɔtiib Jesiel ni Pelet. Beraka, ni Jehu u nyan ni Anatof aatiŋ ni na. Ismaya u nyan ni Gibeonn aatiŋ ni, ki ye uja u nyi butɔb aabɔr mbamɔm na. U nan ye “Piitaa Na” ponn ni aayidaan ubaa la. Jeremia, ni Jahasiel, ni Johanann, ni Josabad u nyan ni Gedera ni na. Elusia, ni Jerimof, ni Bealia, ni Semaria, ni Sefatia u nyan ni Harif ni na. Elkana, ni Isia, ni Asarel, ni Joeser, ni Jasobeam, bi ye Kora aataŋaal pu yaab na. Jeroham u nyan ni Gedor na aajapɔtiib Joela ni Sebadia.

1 Bibɔrb Aabɔr 12:3 ပူးပေါင်းရင်းမြစ်များ

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

1 Bibɔrb Aabɔr 12:2

Bi nan ye Sɔɔl aado yaab Benjaminn aanibol ni aanib la. Bi nan ŋmaa too ipiin, le ki ŋmaa joo ŋŋangii, ni ŋŋangan mɔmɔk gbaa ŋifulaatan mu pam.

2 Bibɔrb Aabɔr 20:26

Winaa daal le bi nan ti kuun kal Beraka Aafataŋ ni, ki doon Uwumbɔr waah ŋa tiwan ni mɔmɔk tii bi na pu. Nima pu le bi yin kifataŋ ngbaan ke Beraka.

1 Samuel 11:4

Ntuuntiib ngbaan aah nan ti fuu Gibea, nin chee Sɔɔl koo na, aan binib ngbaan ŋun tibɔr ngbaan na, le bi piin ki bi wii mpombiin pu.