1 Bibɔrb Aabɔr 12:2 - Uwumbɔr aagbaŋ

² Bi nan ye Sɔɔl aado yaab Benjaminn aanibol ni aanib la. Bi nan ŋmaa too ipiin, le ki ŋmaa joo ŋŋangii, ni ŋŋangan mɔmɔk gbaa ŋifulaatan mu pam.

1 Bibɔrb Aabɔr 12:2 ပူးပေါင်းရင်းမြစ်များ

1 Bibɔrb Aabɔr 12:3

Sema u nyan ni Gibea aatiŋ ni na aajapɔtiib Ahieser ni Joas le nan ye baayidam. Bijab ngbaan aayimbil sɔ: Asmafef aajapɔtiib Jesiel ni Pelet. Beraka, ni Jehu u nyan ni Anatof aatiŋ ni na. Ismaya u nyan ni Gibeonn aatiŋ ni, ki ye uja u nyi butɔb aabɔr mbamɔm na. U nan ye “Piitaa Na” ponn ni aayidaan ubaa la. Jeremia, ni Jahasiel, ni Johanann, ni Josabad u nyan ni Gedera ni na. Elusia, ni Jerimof, ni Bealia, ni Semaria, ni Sefatia u nyan ni Harif ni na. Elkana, ni Isia, ni Asarel, ni Joeser, ni Jasobeam, bi ye Kora aataŋaal pu yaab na. Jeroham u nyan ni Gedor na aajapɔtiib Joela ni Sebadia.

1 Bibɔrb Aabɔr 8:40

Ulam aajapɔtiib nan ye bijab bi nyi butɔb aabɔr ki ŋmaa too ipiin pam na la. Ujapɔtiib ni uyaabitiib nan ti kpaan mbijabim nkub ni piiŋmu la. Bi mɔmɔk aayimbil ŋmee ki bi paacham na nan ye bidichadam le Benjaminn aanibol ni.

Ilahn 78:9

Efraim yaab nan joo itɔi ni ipiin, le ki nan tee san butɔb daal.

Bibɔjirb 3:15

Le Israel yaab nan wii yin Uwumbɔr, le u tun ni uja ubaa ke u nan gaa bi lii. Bi nan yin uja ngbaan ke Ehud, le u ye ugandaan. Ute le nan ye Gera, u ye Benjaminn aanibol ni aanii na. Israel aanib nan ban ipiin, le ki di tun Ehud, ke u di ti tii Moab Aabɔr Eglonn.

1 Samuel 17:49

U nan di uŋaal ŋa waalook ponn ni ki nyan litakpal libaa, ki di ŋa waafulaataln ponn ni ki faa Goliaf. Li nan ti yun Goliaf aayigbeer le ki wii uyikpaŋ. Le Goliaf lir kitiŋ lichichikr.