1 Bibɔrb Aabɔr 12:18 - Uwumbɔr aagbaŋ

¹⁸ Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

1 Bibɔrb Aabɔr 12:18 ပူးပေါင်းရင်းမြစ်များ

2 Samuel 15:21

Le u gar u ke, “Mpɔɔndaan, m puu Uwumbɔr aayimbil pu ki tii si, ke m ga li dii si ki ti saa nimɔk aa cha na, hali ni yaa ye nkun kan, m ga dii si.”

2 Samuel 17:25

Absalom nan di Amasa le ŋa waajab aaninkpel, Joab aabuul ni. Amasa aate le nan ye Israel aanii u bi yin u ke Jeter na; le una mu ye Nahas aabisal Abigail, u aakpel nan ye Joab aana Seruya na.

2 Samuel 19:13

David nan ki bui bi ke bi ti bui Amasa ke, “Aa ye ndo yoo la. Ki nya din wee ki joo cha, m ga di sin le ŋa maajab aaninkpel, Joab aabuul ni. M yaa kaa ŋa kina kan, Uwumbɔr faa ku mi.”

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb 9:22

Solomonn aa nan di Israel yaab ŋa binaagbiib; bima le nan ye waatɔb aajab, ni waatuln aaninkpiib, ni bijab bi ŋaal itaan aatɔroku tiib na aayidam, ni bitandam.

2 Bibɔrb 10:15

Jehu nan ki di kal nsan pu, le Rekab aajapɔɔn Jonadab ti ton u nsan ni. Jehu nan doon u le ki bui u ke, “M ni sin aalandak kpaan la. Aa ga ter mi ii?” Le Jonadab kii ke, “M ga ter si.” Le Jehu bui u ke, “Kina kan, tii mi ŋŋaal.” Bi nan tii tɔb iŋaal, le Jehu ter u aan u koo u chee waataan aatɔroku ni,

2 Bibɔrb 10:5

Kina pu le libɔrdichal ni aaninkpel, ni kitiŋ ngbaan aaninkpel, ki di kpee kaanikpaam, ni ubɔr aayaabitiib aajojoob di inaŋ imina tun Jehu chee: “Ti ye saatutum la, le ki ga ŋa saah bui timi ke ti ŋa pu na mɔmɔk. Tɔ, taan ŋmaa di ubaa kaan nnaan, ŋa saah dak aasui ni pu na.”

2 Bibɔrb 9:32

Jehu nan waan lik paacham le ki teen ke, “Ŋma si nchaŋ ni?” Libɔrdichal ni aaninkpiib bilee bee bitaa nan baan takolu ni lik ni u,

1 Bibɔrb Aabɔr 11:11

Njan yoo le nan ye Jasobeam, u nan ye Hakmonn aataŋaal pu aanii na. Uma le nan ye “Bitaa na” aayidaan. U nan di waakpaatuŋ ton butɔb bijab ikui itaa ponn ni, ki ku bi mɔmɔk butɔb bubaa ni.

1 Bibɔrb Aabɔr 12:17

David nan tooh bi nsan ni le ki ti bui ke, “Ni yaa ye jɔtiib le ki choo ni nan ter mi kan, dan man. Nan kpee ti pu man. Tɔ, maah kaa ŋa nimi nibaa na, ni yaa choo ke ni nan ti di mi kooh maadim pu kan, tiyaajatiib Aawumbɔr ga bee ki ga daa nitafal.”

1 Bibɔrb Aabɔr 2:17

Ubisal Abigail na nan mɔn Jeter, u aayaaja nan ye Ismael na, le bi ma bijapɔɔn Amasa.

Aisaya 59:17

U ga di mbimbinyaan mu bi ke tikur ti bii kibiŋ pu na, ki li chik tikur aayikpupuk ki ye waapɔɔn mu gaa binib lii na, ki li kpa iniman ki daa binib aatafal baah ŋa biken falaa pu na.

Sekaria 8:23

N‑yoonn ngbaan kan, biwɔwɔm kipiik ga dan nan bui Juu aanii ubaa ke, ‘Ti ban ke ti nan kpaan saanaan ni la, ba pu? ti ŋun ke Uwumbɔr bi ni chee.’”

Matiu 12:30

“Unii umɔk kaa dii mi na, u ye maadin la. Unii umɔk kaa kuuni binib tii mi na, u yaal bi la.

Galantiya 6:16

Binib bimɔk kii kina na le ye Uwumbɔr aanib, ki ye Israel yaab bamɔm. Uwumbɔr tii bi nsuudoon ki san bi kinimbaak.

Bibɔjirb 13:25

Le waah nan bi Dann aajab aakakaa ni, Sora ni Estaol aatim aakaasisik ni na, Uwumbɔr Aafuur Nyaan piin ki tii u mpɔɔn.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

Bibɔjirb 6:34

Uwumbɔr Aafuur Nyaan nan gbiin Gideonn, le u pii ukpiin, ke Abieser aataŋaal pu aajab nyan dii u.

Ruf Aagbaŋ 1:16

Ruf nan gar u ke, “Taa bui mi ke m buen ki cha si. Cha m dii si buen. Saah cha nimɔk na, m ga buen; saah ga li koo nimɔk na, m mu ga li koo nima la. Saanib ga li ye maanib la, le Saawumbɔr li ye Maawumbɔr.

1 Samuel 16:4

Samuel nan ŋa Uwumbɔr aah bui u ke u ŋa pu na, le ki buen Betlehem ni. Nima chee aayidam aawon nan gbaa, le bi too u nsan ni, ki baa u ke, “Saamann mue ye nsuudoon aamann la aa?”

1 Samuel 16:5

Le Samuel bui bi ke, “Een, m dan m nan toor kitork tii Uwumbɔr la. Toor nibaa man, aan ti buen.” U nan toor Jese ni ujapɔtiib ke bi dan kitork ngbaan ni.

1 Samuel 22:7

Le u bui waaninkpiib ke, “Li pel man, Benjaminn aajab. Ni dak ke David ga ŋmaa tii nimi ikpaakon, ni ŋisubil aasui aasar, ki ŋa nimi bininkpiib waajab ni ii?

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.

1 Samuel 24:13

Aa nyi liyataŋakl na ke, ‘Titunwanbirdam baanja le ŋani titunwanbir.’ Kina pu na, maan ŋa si nibaa.

1 Samuel 24:16

David aah len doo na, le Sɔɔl bui ke, “Sin maabo David sil ye ee?” le ki piin ki bi wii.

1 Samuel 8:12

Bibaa ga li ye bijab lichur aaninkpiib, le biken mu ye bijab piiŋmu aaninkpiib. Nijapɔtiib le ga ko waakpaakon ni, ki chee waajikaar, ki mɔɔ waajawan, ni waataan aatɔroku mam aawan.