1 Bibɔrb Aabɔr 12:17 - Uwumbɔr aagbaŋ

¹⁷ David nan tooh bi nsan ni le ki ti bui ke, “Ni yaa ye jɔtiib le ki choo ni nan ter mi kan, dan man. Nan kpee ti pu man. Tɔ, maah kaa ŋa nimi nibaa na, ni yaa choo ke ni nan ti di mi kooh maadim pu kan, tiyaajatiib Aawumbɔr ga bee ki ga daa nitafal.”

1 Bibɔrb Aabɔr 12:17 ပူးပေါင်းရင်းမြစ်များ

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 31:53

Aayaaja Abraham Aawumbɔr ni n‑yaaja Nahor Aawumbɔr le ga li ye timi aabɔjir.” Le Jakob aate Aisak Aawumbɔr aayimbil pu, u mu nan puu ke u mu ga li joo tipuur ngbaan.

1 Bibɔrb 2:13

Le Adonija, u aana ye Hagif na, buen Solomonn aana Batseba chee. Le Batseba baa u ke, “Mmann mue ye kijɔtiik aamann la aa?”

2 Bibɔrb 10:15

Jehu nan ki di kal nsan pu, le Rekab aajapɔɔn Jonadab ti ton u nsan ni. Jehu nan doon u le ki bui u ke, “M ni sin aalandak kpaan la. Aa ga ter mi ii?” Le Jonadab kii ke, “M ga ter si.” Le Jehu bui u ke, “Kina kan, tii mi ŋŋaal.” Bi nan tii tɔb iŋaal, le Jehu ter u aan u koo u chee waataan aatɔroku ni,

2 Bibɔrb 9:22

Le Joram baa u ke, “Aa joo nsuudoon le choo oo?” Le Jehu gar u ke, “Nsuudoon ga ŋa kinye ki li bi ti chee, aana Jesebel aah piin kisook ni ŋiwaa ŋi na ponn ni?”

1 Bibɔrb Aabɔr 12:16

Bijab nan nyan ni Benjaminn ni Juda aanibol ni, ki buen David aah nan bi nin chee bi kii mbamɔm na.

1 Bibɔrb Aabɔr 12:18

Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 86:11

Uwumbɔr, mɔk mi saah ban ke m tun pu na, le m ga kii saamɔb mbamɔm; mɔk mi saasan aan m di nsui mɔmɔk tun saatuln.

Jeremia 32:39

M ga tii bi lituln libaa baanja le baamɔfal ni. Nima le ga li ye ke bi li nyuŋni mi n‑yoonn mɔmɔk, bima bibaa ni biyaabitiib aamɔfal pu.

Sekaria 3:2

Uwumbɔr aatuun ngbaan nan bui kinimbɔŋ ke, “Sin kinimbɔŋ, Uwumbɔr bui ke aa ŋmin. Uwumbɔr u gee Jerusalem na bui ke aa ŋmin. Uja wee bi ke ndɔ mu bi chuu daa nyan mmii ni na la.”

Lituln 4:32

Binib bimɔk nan gaa Yesu ki kii na nan kpaan kimɔbaan, ni nlandakbaan. Ubaa aa len ke waawan nibaa le ye uyaan. Le bi mɔmɔk yakr baawan mɔmɔk, ki di tii tɔb.

1 Korenti 1:10

Nnaabitiib, m gaŋ nimi Tidindaan Yesu Kristo aayimbil pu ke ni mɔmɔk li ŋun tii tɔb, aan kinikpakpak taa li bi nikaasisik ni; ni li kpa kimɔbaan, ki li kpaan nlandak mubaa.

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

1 Piita 2:23

Baah seei u na, waa giin sii bi. Waah jin falaa na, waa len ke u ga teen bi. U di ubaa ŋa Uwumbɔr u ji tibɔr mɔmɔk mbamɔm na aaŋaal ni la.

Juud 1:9

Maikel u ye Uwumbɔr aatuuntiib aaninkpel na aa nan gee ke u sii kinimbɔŋ. U ni kinimbɔŋ nan kpak kinikpakpak Moses aawon pu, ke ulau ga yoor u. Maikel mu aa gee ke u sii kinimbɔŋ ki bii ki. U nan po bui ki ke, “Uwumbɔr li kae si.”

1 Samuel 16:4

Samuel nan ŋa Uwumbɔr aah bui u ke u ŋa pu na, le ki buen Betlehem ni. Nima chee aayidam aawon nan gbaa, le bi too u nsan ni, ki baa u ke, “Saamann mue ye nsuudoon aamann la aa?”

1 Samuel 18:1

Sɔɔl ni David aah nan gbaa baabɔr doo na, nee aapuwɔb le Sɔɔl aajapɔɔn Jonatann aasui koo David ni sakpen, le u gee u ke waah gee ubaa pu na.

1 Samuel 18:3

Jonatann nan puu limɔfal aajɔtiik aapuur tii David, waah gee u sakpen pu na.