1 Bibɔrb Aabɔr 11:8 - Uwumbɔr aagbaŋ

⁸ U nan piin liwipuul wɔb nin chee kitiŋ dɔ ligongoln ngbaan pu na, le ki gir maa maln goln kitiŋ ngbaan pu ki kpee. Le Joab mu gir maa kitiŋ ngbaan ni gur na.

1 Bibɔrb Aabɔr 11:8 ပူးပေါင်းရင်းမြစ်များ

1 Bibɔrb 11:27

Jeroboam aah nan nyan Solomonn aapuwɔb pu na aabɔr sɔ: Solomonn nan bi ŋeeb Jerusalem aawipuul wɔb aatiŋ, le ki toor kitiŋ ngbaan aagon.

1 Bibɔrb 9:15

Ubɔr Solomonn nan cha binaagbiib maa Uwumbɔr Aadichal, ni nnaan aadichal, ki cha bi ŋeeb kitiŋ ngbaan aawipuul wɔb aafataŋ, ki maa kitiŋ ngbaan aagoln. U nan ki cha bi gir maa Hasor, ni Megido, ni Geser aatim.

2 Bibɔrb 12:20

Ubɔr Joas aajab aaninkpiib nan kpokl u pu, le bi ponn ni bilee, Simeaf aajapɔɔn Josakar, ni Somer aajapɔɔn Jehosabad ti ku u lidichal li bi nan maa li kifataŋ aatiŋ ki bi Jerusalem aawipuul wɔb aan bi nan ŋeeb na ponn ni. Li nan bi nsan mu cha Sila aatiŋ ni na chee la. Bi nan sub Joas nnaan aacheek ni, David Aatiŋ ni la, le ujapɔɔn Amasia nab waanaan pu.

1 Bibɔrb Aabɔr 11:7

David aah nan ti koo mpɔɔn aatiŋ ngbaan ni na, le bi gur yin ki ke “David Aatiŋ.”

1 Bibɔrb Aabɔr 11:9

Uwumbɔr Mpɔɔnsakpiindaan aah nan bi David chee na, le u nan moo pɔɔk n‑yoonn mɔmɔk.

Nehemia 4:2

U nan sil uŋeen aatɔtiib ni Samaria aajab aanimbiin ni ki len ke, “Juu yaab, bifalaadam bee, dak ke bi bi ŋani ba na? Bi ŋa nlandak ke bi ki gir maa kitiŋ ngbaan aa? Bi dak ke baah toor kitork ki na ga ŋmaa cha bi doo lituln ngbaan liwinbaal la aa? Bi ga ŋmaa di ŋilangbentanjal ŋi ber ki dɔ ki wun mmii na maa aa?”

Bibɔjirb 9:20

Ni mu yaa kaa ye kina kan, mmii nyan ni Abimelek ni, ki wu Sekem aatiŋ aajab, ni Bef Milo aatiŋ aajab. Mmii mu nyan ni Sekem aatiŋ aajab ni, ni Bef Milo aatiŋ aajab ni, ki wu Abimelek.”

Bibɔjirb 9:6

Nee aapuwɔb le Sekem ni Bef Milo aajab kuun tɔb ki buen likpaln aasusakpem bubaa taab, Sekem aatiŋ ni, ki ti kaan Abimelek nnaan.