1 Bibɔrb Aabɔr 11:5 - Uwumbɔr aagbaŋ

⁵ Jebus yaab ngbaan nan bui David ke waan ŋmaa koo ni baatiŋ ni daalbaadaal. Tɔ, David nan nyaŋ baapɔɔn aajool Sionn, le bi gur yin kitiŋ ngbaan ke “David Aatiŋ.”

1 Bibɔrb Aabɔr 11:5 ပူးပေါင်းရင်းမြစ်များ

2 Samuel 5:9

David nyaŋ baapɔɔn aatiŋ ngbaan, le ki koo ki ponn ni ki yin ki ke “David Aatiŋ.” U nan piin liwipuul wɔb, nin chee kitiŋ dɔ ligongoln ngbaan pu na, le ki maa mann goln kitiŋ ngbaan pu ki kpee.

2 Samuel 6:10

Kina pu le u nan ŋa nlandak, kaa di u buen Jerusalem ponn ni; u nan di u paal buen uja u bi yin u ke Obed Edom, aan u ye Gaf aatiŋ aanii na do la.

2 Samuel 6:12

Ubɔr David nan ŋun ke Nkaal Aadakaa ngbaan pu le Uwumbɔr ŋa tinyoor ŋa Obed Edom aadichal, ni waah kpa nimɔk na pu; le u buen ti yoor Nkaal Aadakaa ngbaan Obed Edom do, ke u di buen Jerusalem ponn ni, ki mɔɔni.

1 Bibɔrb 8:1

Ubɔr Solomonn nan yin Israel aanibol, ni itaŋaal aasalolm mɔmɔk, ke bi kuun ni Jerusalem aatiŋ ni, ki nan yoor Uwumbɔr Aakaal Aadakaa nya David aatiŋ Sionn ni, ki di buen Uwumbɔr Aadichal ni.

1 Bibɔrb Aabɔr 11:4

Ubɔr David ni Israel yaab mɔmɔk nan buen le ki ti tak Jerusalem aatiŋ. Bi nan yin ki n‑yaayoonn ngbaan ke Jebus la, le Jebus yaab, bi nan naan ki na, koo nima.

1 Bibɔrb Aabɔr 11:6

David nan bui ke, “Uja u loln nsan ki ku Jebus aanii na kan, uma le ga li ye butɔb aajab aaninkpel.” Joab, u aana nan ye Seruya na, le nan loln nsan le ki kpaln baaninkpel.

1 Bibɔrb Aabɔr 11:7

David aah nan ti koo mpɔɔn aatiŋ ngbaan ni na, le bi gur yin ki ke “David Aatiŋ.”

2 Bibɔrb Aabɔr 5:2

Le Ubɔr Solomonn yin Israel aanibol ni itaŋaal aasalolm mɔmɔk ke bi kuun ni Jerusalem ni, ki nan yoor Uwumbɔr Aakaal Aadakaa nya David Aatiŋ Sionn ni, ki di buen Uwumbɔr Aadichal ni.

Ilahn 122:5

Nima chee le Israel yaab aabɔrb nan kal ki jin baanib tibɔr.

Ilahn 132:13

Uwumbɔr lee Sionn la; u ban u di nima le ŋa udo;

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 48:2

Uwumbɔr aajool Sionn fɔk paacham, le ki ŋan; Ubɔrkpaan ngbaan aatiŋ joo ni mpopiin le nan tii dulnyaa mɔmɔk.

Ilahn 78:68

U nan tee lee Juda aanibol, ni Sionn Aajool li u gee mbamɔm na la.

Ilahn 87:2

U gee Jerusalem aatiŋ jer Israel aatim mɔmɔk.

Ilahn 87:5

Bi ga len ke ŋitimbol mɔmɔk ye Sionn yaan la, le Uwumbɔr Mpɔɔndaan ga tii Sionn mpɔɔn.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Rom Yaab 9:33

bi gbeer lifaakuul li Uwumbɔr Aagbaŋ len laabɔr na ke, “U di lifaakuul bil Sionn aatiŋ ni. Binib ga gbeer li ki lir. Le unii umɔk gaa u ki kii na aan ji inimɔɔn.”

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Tibɔkpiirkaan 14:1

Tɔ, le m kan Upihbo na si Sionn aajool paab. Binib ŋichur nkub ni imonko ilee ni ŋinaa nan bi u chee, le waayimbil ni Ute Uwumbɔr aayimbil nan ŋmee paa biyigbeer pu.

Bibɔjirb 19:10

Uja ngbaan aa nan ki ban bi doon nima, kina pu le u ni upuu fii kal baasan pu, le waanaagbiija, ni ibon ilee i tu ŋitun na dii bi. Ni nan ti bi joor le bi peen Jebus aatiŋ, Jerusalem aatiŋ le na, le unaagbiija ngbaan bui waaninkpel ke, “Ba ŋa naa cha ti doon Jebus yaab aatiŋ kee ni?”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.