1 Bibɔrb Aabɔr 11:3 - Uwumbɔr aagbaŋ

³ Kina pu le Israel yaab aayidam mɔmɔk dan Ubɔr David chee Hebronn aatiŋ ni. U ni biyidam ngbaan nan ŋa kimɔbaan Uwumbɔr aanimbiin ni, le bi di nkpan kpir uyil pu, ki kaan u Israel aatiŋ aanaan, ke Uwumbɔr aah nan puu pu tii Samuel na.

1 Bibɔrb Aabɔr 11:3 ပူးပေါင်းရင်းမြစ်များ

2 Samuel 2:4

Le Juda aajab dan Hebronn aatiŋ ni, ki nan di nkpan kpir uyil pu, ki kaan u Juda aatiŋ aanaan. David aah ŋun ke Gilead aatiŋ ki bi yin ki ke Jabes na aanib le sub Sɔɔl na,

2 Samuel 5:3

Kina pu le Israel yaab aayidam mɔmɔk dan Ubɔr David chee, Hebronn aatiŋ ni. U ni biyidam ngbaan nan ŋa kimɔbaan ki pɔɔ na, le bi di nkpan kpir uyil pu, ki kaan u Israel aatiŋ aanaan.

2 Samuel 5:5

Waah nan bi Hebronn ponn ni ki joo Juda aatiŋ aanib na, nan ye ŋibin ŋilole ni iŋmal iloob la, le ki koo Jerusalem mu ponn ni, ki joo Israel ni Juda aatim mɔmɔk aanib, ki ti saa ŋibin piitaa ni ŋitaa.

2 Bibɔrb 11:17

Utotoor Jehoyada nan cha Ubɔr Joas ni binib ngbaan nan puu tipuur tii Uwumbɔr ke bi ga li ye waanib la; u ni ubɔr ni binib ngbaan mu nan ki puu tipuur tii tɔb.

2 Bibɔrb 23:30

Waaninkpiib nan di u ŋa itaan aatɔroku ni, le ki di u giin buen Jerusalem aatiŋ ni, le ki ti di u sub nnaan aacheek ni. Juda aanib nan nyan Josia aajapɔɔn Joahas le ki kaan u nnaan.

1 Bibɔrb Aabɔr 11:10

David aajakpaam na aayimbil sɔ: Bi ni Israel aanib bi gur na le nan ter u le u ŋa ubɔr, ke Uwumbɔr aah nan puu pu na, le bi nan cha waanaan kpa mpɔɔn.

2 Bibɔrb Aabɔr 23:3

Bi mɔmɔk nan kuun Uwumbɔr Aadichal ni, le bi ni ubɔr aajapɔɔn Joas puu tipuur tii tɔb. Jehoyada nan bui bi ke, “Ubɔr aajapɔɔn sɔ. Uma le ga li gur ye ubɔr, Uwumbɔr aah puu pu ke Ubɔr David aayaabitiib ga li ye pu na.

Bibɔjirb 11:11

Kina pu le Jefta nan gir dii Gilead aasalolm ngbaan, le binib ngbaan di u ŋa baajojoor, ni usaloln. Jefta nan tuk bi waalandak Mispa aatiŋ ni, Uwumbɔr aanimbiin ni la.

1 Samuel 11:15

Kina pu le bi mɔmɔk buen Gilgal. Nima chee, Uwumbɔr aanimbiin ni, le bi ti ki kaan Sɔɔl nnaan. Bi nan toor kimɔbaan aatork tii Uwumbɔr, le Sɔɔl ni Israel aanib mɔmɔk kpaan jin kitork ngbaan nima chee.

1 Samuel 15:28

Le Samuel bui u ke, “Uwumbɔr daa gaa Israel aanaan aa chee, ki di tii unii u jer si na.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 16:3

Yin Jese u dan kitork ngbaan ni. M ga nan bui si saah ga ŋa pu na. Uja u m ga mɔk si na, le aa ga lee u, u nan li ye ubɔr.”

1 Samuel 23:18

Bima bilee ngbaan nan ki puu kijɔtiik aapuur kpaan tii tɔb. David nan gaar Hores ni, le Jonatann gir kun.

1 Samuel 28:17

Uwumbɔr ŋa si waah nan cha m tuk si pu na la: u gaa aa chee Israel yaab aanaan ki di tii David a.