1 Bibɔrb Aabɔr 11:22 - Uwumbɔr aagbaŋ

²² Jehoyada, u nyan ni Kabseel na aajapɔɔn Benaya mu le nan ye uja u kpa liyimbil na; u nan tun lipobil aatun pam, u nan ku Moab aapobidam bilee bibaa. Daalbaadaal, u nan koo mbuu ni, nwiin mundaal ntaanal nan lir na, ki ti ku uchinn.

1 Bibɔrb Aabɔr 11:22 ပူးပေါင်းရင်းမြစ်များ

2 Samuel 1:23

Sɔɔl ni Jonatann nan ye binib la, le binib gee bi; baamɔfal ni, bi nan kpaan tɔb chee la, le baakun mu ni, bi ki kpaan tɔb chee; bi nan tun mala mala jer ŋikaagii, le ki pɔɔ jer ichinn.

2 Samuel 20:23

Joab le nan ye Israel aajab aaninkpel; le Jehoyada aajapɔɔn Benaya nan ye David aakikiib aaninkpel;

2 Samuel 8:18

le Jehoyada aajapɔɔn Benaya nan ye bijab bi kii David na aaninkpel, le David aajapɔtiib mu nan ye bisusurb.

1 Bibɔrb 1:38

Kina pu na, Sadok, ni Natann, ni Benaya, ni ubɔr aakikiib nan di Solomonn diŋ Ubɔr David aataan pu, le ki cheen u buen Gihonn aayayak aanyunbun chee.

1 Bibɔrb 1:8

Tɔ, utotoor Sadok, ni Jehoyada aajapɔɔn Benaya, ni Uwumbɔr aabɔnabr Natann, ni Simei, ni Rei, ni bijab bi kii David na aa nan sil Adonija aachaŋ ni.

1 Bibɔrb 2:30

U nan buen Uwumbɔr Aabool ni, le ki ti bui Joab ke, “Ubɔr bui ke aa nya ni.” Le Joab bui ke, “Aayii, m ga kpo do la.” Le Benaya gir buen ubɔr chee, ki ti bui u Joab aah len pu na.

1 Bibɔrb Aabɔr 11:21

Uma le nan kpa liyimbil “Piitaa Na” ni, le ki kpaln baayidaan, u mu aa nan tee kpa liyimbil ke “Bitaa Na” na.

1 Bibɔrb Aabɔr 12:8

Gad aanibol ni aajab bi nyi butɔb aabɔr mbamɔm ki kpa ŋiyimbil ki nan buen ti kpee David ni waajab pu, buyoonn u nan bi nteersakpiin ni, nin chee bi nan kii mbamɔm na sɔ. Bi nan ye bijab bi nyi tikpaatunn ni kijaak aapen aabɔr sakpen na la. Binimbil wɔb nan kpa ijawaan ke ichinn na la, le bi ŋmaa san ke lijool paab aapeeman na.

Josua 15:21

ntim mu nan bi ŋŋangii wɔb ki nan ye baatim, ki nan bi Edom aatiŋ mɔk na le nan ye Kabseel, ni Eder, ni Jagur,